Ричард Хогленд: Қазақстан мен АҚШ Президенттерінің арасындағы кездесудің маңызы зор

АҚШ-тың Қазақстандағы елшісі қызметін атқарған Ричард Хогленд Вашингтонда қазақстандық журналистермен кездесіп, Елбасы Нұрсұлтан Назарбаевтың Америкаға ресми іссапарына қатысты пікірімен бөлісті. 

Егемен Қазақстан
15.01.2018 6131
2

Дипломаттың айтуынша, Елбасы Н.Назарбаев мен АҚШ Президенті Дональд Трамп арасындағы кездесуде екіжақты стратегиялық әріптестікті тереңдету және күшейту, өңірлік және экономикалық ынтымақтастықты нығайту мәселелері талқыланады.

«Қазақстан Президент Нұрсұлтан Назарбаев АҚШ Президенті Дональд Трамптың арнайы шақыртуымен Ақ үйге келетін Орталық Азиядағы тұңғыш көшбасшы. Мемлекет басшылары кездесу барысында алдағы үш жылға арналған дипломатиялық қарым-қатынастардың бағыт-бағдары айқындайды. Н.Назарбаев айтқан сөзді Ақ үйге жиналған лауазымды тұлғалардың бәрі мұқият тыңдайды, керек жерін қағазға түртіп алады. Осы тұрғыдан алғанда кездесудің екі елге де маңызы ерекше», деді Р.Хогленд.

АҚШ дипломатының пікірінше, Орталық Азия әлем назарын өзіне көбірек аударуды қажет ететін аймақ. Сонымен қатар Вашингтон да өңірмен тығыз әріптестік орнатуға мүдделі.

«Қазақстан Орталық Азиядағы көшбасшы мемлекет екенін шартараптың түкпір-түкпірі біледі. Елдеріңіз әлемдік деңгейде абыройға ие болып, халықаралық аренада саяси табыстарға қол жеткізді. Қазақстан мен АҚШ арасындағы сауда және экономикалық әріптестік тамырын әлдеқашан тереңге жіберген. Мұндай қуатты байланыстың себебі мынада. Тәуелсіздік алған тұста Президент Н.Назарбаев түбегейлі экономикалық реформалар жасау шешімі Қазақстанның әлемдік экономикада өз орнын табуға көмектесті. Қазақстан Президентінің бұл қадамы сәтті болғанын уақыт дәлелдеді», деді дипломат журналистермен кездесуінде.

Р.Хогленд Қазақстанда инвесторларға қолайлы жағдай жасалғанына тоқталды. Оның айтуынша, осы саланы жетілдіру мақсатында елімізде атқарылып жатқан шаралар халықаралық қоғамдастық тарапынан жоғары бағаланған.

«Қазақстанға инвестиция салған америкалық алпауыт компаниялар жетерлік екенін көпшілік біледі. Мысалы, Астанада General Electrics тиімді жұмыс істеп отыр. Бұдан бөлек көптеген түрлі деңгейдегі америкалық компаниялар мыңдап саналады. Қазіргі таңда Қазақстандағы инвесторларға қолайлы жағдай жасалғандықтан, алдағы уақытта олардың саны артатынына кәміл сенемін», деді бұрынғы елші.

Дипломат бизнес өкілдері әрдайым қағазбастылықтың аз және инвестиция салудың мүмкіншіліктері оңай болғанын қалайтынын атап көрсетті. Осы орайда, елімізде кезең-кезеңімен атқарылып жатқан инвесторларға қатысты оң өзгерістерді әлем елдері байқап үлгерген.

«Бизнес бастауға жасалған жағдайды анықтайтын Ease of doing Business деп аталатын халықаралық сараптама бар. Қазақстан аталған тізімдегі орнын жылдан жылға жақсартып келеді. Бұл сараптамаға бизнес өкілдері үлкен мән береді. Өйткені олар инвестиция салмастан тұрын сондағы кәсіпкерлікке жасалған жағдайға, түсетін пайда көлеміне және жергілікті тұрғындардың біліміне назар аударады. Қазақстанда мұның бәрі бар», деді дипломат.

 Журналистермен кездесуінде Р.Хогленд Қазақстанның БҰҰ Қауіпсіздік Кеңесінің төрағасы ретіндегі бастамалары маңызды екенін атап көрсетті. Оның пікірінше, еліміздің ұстанымы БҰҰ тарапынан жоғары бағаланып отыр.

«БҰҰ-дағы Қазақстанның Тұрақты өкілі Қайрат Омаровты АҚШ-та елші қызметін атқарып жүрген кезінен жақсы танимын. Ол ‒ әлемдік деңгейдегі саясаткер. Қ.Омаров БҰҰ Қауіпсіздік Кеңесіндегі күн тәртібіндегі мәселелерді анықтау үшін көптеген елдермен тығыз байланыс орнатты. Төрағалық мерзімінде Қазақстан көтерген бастамалар БҰҰ тарапынан қолдау табатынына сенімдімін», деді дипломат.

Р.Хогленд Барак Обаманың бастамасымен өткізілген «С5+1» форматындағы кездесу төңірегінде де әңгіме қозғады. Оның айтуынша, Д.Трамп онымен жақсы таныс және кездесуді қолдайды. Елші жылына бір рет ұйымдастырылатын жиынның жеткіліксіз екенін, сондықтан Орталық Азиядағы бес мемлекет ресми түрде тізе қосып жұмыс істеп, геосаяси блок құруға шешім қабылдайтынына сенім білдірді. Оның пікірінше, мұндай қадам аймақтың әлеуетін және экономикасын күшейтіп, егемендікті нығайта түседі.

Бұдан кейін, Р.Хогленд БҰҰ Қауіпсіздік Кеңесіндегі Қазақстан төрағалығы кезінде талқыланатын тақырыптардың өзектілігіне тоқталды. Ол ядролық қаруды таратпау мәселесі қазіргі таңда күн тәртібінде тұрғанын айтады. Елшінің пікірінше, Қазақстан бұл мәселеде көрегендігін көрсетіп, жаппай қырып-жоятын қаруға қатысты берік ұстанымын белгіледі. Р.Хогленд еліміздің мұндай шешімі басқа елдерге үлгі болуы тиіс деп есептейді.

Ричард Хогленд 2008-2011 жылдар аралығында АҚШ-тың Қазақстандағы елшісі қызметін атқарды. Сондай-ақ Азиядағы бірқатар елде дипломатиялық миссиясын орындады.

Абай АСАНКЕЛДІҰЛЫ,

«Егемен Қазақстан»

ВАШИНГТОН

СОҢҒЫ ЖАҢАЛЫҚТАР

23.09.2018

Тіл ықылассыз істі емес, періште көңілді ұнатады

23.09.2018

«Әкім Тарази шығармашылығының феномені» халықаралық ғылыми-практикалық конференциясы өтті

23.09.2018

Қостанайда екі полицей жол бойында әйелді ажалдан аман алып қалды

23.09.2018

Павлодарға Дүниежүзілік Украиндар конгресінің президенті Евгений Чолий келді

23.09.2018

Балалар Евровидениесінде еліміздің намысын Даниэла Төлешова қорғайтын болды

23.09.2018

Энтони Джошуа ресейлік боксшы Александр Поветкинді жеңді

23.09.2018

Астанада ТҚО объектілерді қорғаудың цифрлық басқару жүйесі ұсынылды

23.09.2018

Екібастұзда алғашқы STEM-зертханасы ашылды

23.09.2018

Маңғыстауда VI Халық спорты ойындары басталды

23.09.2018

Астаналықтар заң мәселесі бойынша тегін кеңес алды

23.09.2018

Ақтауда триатлоннан Қазақстан Кубогының финалы басталды

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу