Елбасының жаңа кітабының тұсаукесері

Облыстық әкімдікте Қазақ­стан Республикасының Президенті Нұрсұлтан Назарбаевтың «ХХІ ғасырдағы тұрақты да­му­дың ғаламдық энерго­эко­ло­гия­лық стратегиясы» атты кіта­бы­ның тұсаукесері өтті. Жиынды облыс әкімі Серік Біләлов ашып, Тәуелсіздігіміздің 20 жылы ішінде ел эконо­ми­ка­сы­ның өркендеп, әлеуметтік жа­ғынан кемелденгенін, мұндай жетістіктерге әлемдік дең­гей­дегі саясаткер Нұрсұлтан Әбіш­­ұлының бастауымен жеткенімізді айта келіп, туын­дының ма­ңыздылығын атап көрсетті. Ресей Мемлекеттік қызмет академиясының профессоры, Солтүстік Қазақстан облы­сы­ның құрметті азаматы Анатолий Спицын Президентті ертеден білетінін, көп жылдар қыз­мет­тес болғанын, екі томдық таң­дамалы жинағын Мәскеуде шы­ғарғанын тілге тиек ете келіп, адамзатты ерекше алаңдатып, толғантып отырған ғаламдық проблемалардың кітапта нақты көрініс тапқанын жеткізді. «Қа­зақстан жолы», «Дағдарыстың кілті», «Нарық және әлеу­мет­тік-экологиялық даму», тағы басқа мақалалар талдау ерекшелігімен, жаңа көзқараспен ерекшеленеді. Нұрсұлтан Әбішұлы биыл БҰҰ Бас Ассамблея­сы­ның сессиясында сөйлеген сө­зін­де әлемдік қоғамдастықты ға­ламдық энергоэкология мәсе­ле­лерін бірлесе шешуге ша­қыр­ған ұсыныстарын 25 елдің ға­лымдары қолдаған болатын, деді ол. Ұлттық ғылым акаде­миясы­ның академигі Нұралы Бектұр­ға­нов кітапта айтылған құнды ой-пікірлердің келесі жылы өт­кізілетін тұрақты даму жөнін­дегі саммитте мақұлданып, ха­лық­аралық деңгейде бағдар­ла­ма қабылданатынына сенім білдірді. М.Қозыбаев атындағы Сол­түс­тік Қазақстан мемлекеттік университетінде Н.­Назар­­баев­тың «ХХІ ғасырдағы тұрақты дамудың ғаламдық энерго­эко­ло­гиялық стратегиясы» кітабы бойынша ғылыми-теориялық кон­­ференция ұйымдастырылды. Өмір ЕСҚАЛИ, Солтүстік Қазақстан облысы.