Гиви СИХАРУЛИДЗЕ, грузин жазушысы
Сен менен айырылу үшін себеп іздедің. Өйткені оған шын себеп жоқ болатын. Жоғалтып алуым мүмкін болғандықтан, мен сені жоғалтқым келмейді. Сен менің үлкен махаббатыма селт етпедің. Бірақ мен сені сүйгенім үшін-ақ бақыттымын. Мені тағдыр тәлкегіне тастап кеткенің үшін бақытсыз болғаныңды қаламаймын. Мен лайықты адамды сүйдім. Өзіңнің лайықсыз қылықтарың өзіңді мазалап толғандырсын. Сен – тығырықтан шығар жолсың. Сен менің өмірімнің жарқын күндерін алып қойдың, бірақ менен өзіңді тартып ала алмадың. Мен сені өз жүрегімнің терең түбіне жасырдым, сол жерден бүкіл жан-тәніме жайып тараттым.
Сені өмір бойы іздеп, таптым. Қазір сенсіз де күн кеше аламын, бірақ өмір сүре алмаймын. Сенімен бірге жаурадым, бірақ маған жылы болды. Күн сенсіз де жарқырайды, бірақ жылытпайды. Біліп қой, мен сені ешқашан сағынбаймын, өйткені сені ешқашан ұмытпаймын.
Қазақ тіліне аударып дайындаған
Қорғанбек АМАНЖОЛ,
«Егемен Қазақстан»
