Астанада «Шығыс қайта өрлеуінің заманауи трендтері» атты ғылыми конференция өтті

Астанада «Шығыс қайта өрлеуінің заманауи трендтері» атты Орталық Азия, Оңтүстік Азия және Таяу Шығысты зерттеу бойынша алғашқы үш аймақтық ғылыми конференция өтті.

Егемен Қазақстан
14.02.2018 3974
2

Конференцияның ашылу салтанатына Ақпарат және коммуникациялар министрі Дәурен Абаев, Л.Н.Гумилев атындағы Еуразия ұлттық университетінің ректоры Ерлан Сыдықов,  бірқатар мемлекеттің  дипломатиялық миссия өкілдері, халықаралық сарапшылар мен белгілі ғалымдар қатысты.

Кіріспе сөз сөйлеген университет ректоры Е.Сыдықов іс-шараның маңыздылығына тоқтала келе үш аймақты байланыстыру жөніндегі бағыттарға тоқталды.

«Осы айтылған аймақтардағы саяси және экономикалық мәселелер мен оларды шешу жолдарды талқылаудың маңызы зор. Бүгінгі конференцияға әлемдік деңгейдегі ғалымдар мен сарапшылар, халықаралық қатынастар саласының мамандары жиналған», деді Е.Сыдықов.

Университет ректоры бұдан әрі Орталық Азия, Оңтүстік Азия және Таяу Шығысты стратегиялық тұрғыда зерттеу орталығының ашылғанына атап өтті. Оның айтуынша, мұндай орталық аймақтағы түйткілді мәселелерді дер кезінде анықтап, оңтайлы шешімін табуға көмектеседі. Бұдан кейін білім ордасының басшысы конференция барысында талқыланатын тақырыптарды таныстырды.

Жиында баяндама жасаған Ақпарат және коммуникациялар министрі Д.Абаев осындай кең көлемдегі конференция туындаған түйткілдердің шешімін табуға мүмкіндік беретінін сөз етті. Ведомство басшысы Қазақстанның ұстанған саясаты мен бастамалары әлемде бейбітшілік пен қауіпсіздікті нығайтуға қосқан үлесін ерекше атап көрсетті.

Сонымен қатар кейінгі он жыл көлемінде Азия елдерінің жаһандағы ықпалы мен рөлінің артқанына тоқталды. Оған Қазақстанның жақында ғана аяқталған БҰҰ Қауіпсіздік Кеңесінің төрағасы міндетін атқаруы дәлел бола алады. Министрдің айтуынша, заман талабына сай қазақстандық дипломатияның ерекшеліктеріне үңілу үшін бірінші кезекте Мемлекет басшысы Нұрсұлтан Назарбаевтың саяси феноменіне назар аудару қажет.  

«Тәуелсіз Қазақстанның Тұңғыш Президентінің сыртқы саясаттағы бұлжымас ерекшеліктерінің бірі ретінде көпвекторлық саясатты, стратегиялық көрегенділікті, бітімгерлікті, аймақтық кооперация мен ең маңызды шешімдерді дер кезінде қабылдауы сияқты қырларын атауға болады», деді министр.   

Бұдан кейін мінберге көтерілген ЕҚЫҰ бағдарламаларының Астанадағы кеңсесі басшысының орынбасары Диана Дигол құттықтау сөз сөйледі. Оның айтуынша, конференцияның тақырыбы мәдени мұраны еншісіне алған аймақты, геосаяси жағдайдың орталығын қамтиды. Д.Дигол осындай жиынның өтуі өңірдің дамуына ерекше үлес қосып, білім саласының өркендеуіне жол ашатынына сенім білдірді.

Іс-шарада Иран, Пәкістан, Палестина, Үндістан мемлекеттерінің Қазақстандағы Төтенше және өкілетті елшілері, Ирактың еліміздегі сенімді өкілі баяндама жасады. Дипломаттар әлемдік дағдарысты шешудегі еліміздің рөлін жоғары бағалады. Сирия жөніндегі Астана процесінің, Қазақстанның БҰҰ Қауіпсіздік Кеңесіне тұрақты емес мүше болып сайлануы мен төрағалық міндетін атқаруының өңірдегі әріптестік пен ықпалдастықты арттыруға тигізер пайдасы мен әлемдік қауіпсіздік пен бейбітшілікті нығайтудағы маңызын ерекше атап көрсетті. Жиын барысында Қазақстанның өз еркімен ядролық қару арсеналынан бас тартқаны аталып өтті. Сондай-ақ Елбасы Н.Назарбаевтың көшбасшылық қабілеті жоғары бағаланды.

Конференцияға АҚШ, Ресей, Үндістан, Пәкістан, Қазақстан, Өзбекстан және тағы да басқа мемлекеттерден аймақтағы өңірлік зерттеумен айналысатын алпыстан астам зерттеушілер мен профессорлар қатысты. Олардың қатарында Григорий Глиссон (АҚШ), Ирфан Шахзад (Пәкістан), Рамакрушна Прадхан (Үндістан) секілді ғалымдар бар.

Жиында аймақтық өзара іс-қимыл, мемлекеттердің сыртқы саясаты, қауіпсіздігі, экономикасы мен мәдениеті салаларындағы өзекті мәселелер талқыланды. Кітап көрмесі ұйымдастырылып, ирандық миниатюралар көрсетілді. Пленарлық отырыстар жаһандық дәуірдегі Орталық Азия, Оңтүстік Азия және Таяу Шығыстың рөлі, жаңа Жібек жолының келешегіне арналды.

Айта кету керек, Л.Н. Гумилев атындағы Еуразия ұлттық университетінде «Орталық Азия, Оңтүстік Азия және Таяу Шығыс стратегиялық зерттеулер орталығы» құрылған болатын. Жаңа орталық ғалымдар мен студенттер арасындағы академиялық әріптестіктің көкжиегін кеңейтуге мүмкіндік беріп, аймақтағы қауіпсіздік, саяси және экономикалық жағдайды толық түсінуге жол ашады.

Л.Н.Гумилев атындағы Еуразия ұлттық университеті халықаралық қатынастар факультетінің деканы Ақбота Жолдасбекованың айтуынша, мұндай кең көлемдегі конференцияны өткізу жөніндегі бастама үш жыл бұрын көтерілген екен. Содан бері тыңғылықты дайындық жұмыстары жүргізілген. Қазіргі таңда Халықаралық қатынастар факультетінде шетелдік бірнеше ғалымдар дәріс оқиды. А.Жолдасбекова университет жанынан құрылған «Орталық Азия, Оңтүстік Азия және Таяу Шығыс стратегиялық зерттеулер орталығы» студенттерді сарапшылыққа баулитынын айтады.

Абай АСАНКЕЛДІҰЛЫ,

«Егемен Қазақстан»

СОҢҒЫ ЖАҢАЛЫҚТАР

18.02.2019

Орал қатты қалдықты өңдеуге кірісті

18.02.2019

ҚХЛ: «Барыс» «Адмиралдан» ұтылды

18.02.2019

Семейде математикадан аймақтық олимпиада өтті

18.02.2019

Шымкентте өртеніп жатқан үйден сәбилерді аман алып қалған жас батыр марапатталды

18.02.2019

Семейде татар халқы  «Самавыр янында» бас қосты

18.02.2019

Жетісу кәсіпкерлері көшелерді  жарықтандыруға кіріседі

18.02.2019

Мәскеуде Еуразиялық экономикалық комиссия Кеңесінің кезекті отырысы өтеді

18.02.2019

Жапония мен Түрікменстан өкілдері кездесті

18.02.2019

Баку қаласында Каспий теңізі мәселелері жөнінде отырыс өтеді

18.02.2019

Алматыда 120 көшеге энергия үнемдейтін жарықдиодты жарықтандыру орнатылады

18.02.2019

Астана-Қарағанды тас жолы қатты бұрқасын салдарынан жабылды

18.02.2019

Алматы облысында 365 күнде 365 кәсіпкерден өтініш қабылданды

18.02.2019

Атақты дизайнер қиын жағдайға тап болған әйелдерге 50 киім үлгісін сыйлайды

18.02.2019

2018 жылы қызылшамен ауырғандар саны өскен

18.02.2019

«Батыс» өңірлік қолбасшылығының әскери бөлімдері дабыл бойынша көтерілді

18.02.2019

Ақтаулық ата-аналар Оксфордтық курсты оқыды

18.02.2019

Қостанай ювеналдық сотында «Отбасы бөлмесі» ашылды

18.02.2019

Донецк қаласында бірнеше жарылыс болды

18.02.2019

Үндістан үкіметі Эверестің биіктігін қайта өлшемек

18.02.2019

Қазақстанда қанша қасқыр бар?

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

ҰҚСАС ЖАҢАЛЫҚТАР

Тағы да оқу

Пікір қосу