Қорытынды жасалып, міндеттер қабылданды

Жетігенде Қорғаныс министрі Әділбек Жақсыбековтің қаты­суымен Қазақстан Республикасы Қарулы Күштері Әуе қор­ға­нысы күштері басшылық құрамының ұйымдастыру-әдіс­темелік жиыны өтті. ҚР ҚК Әуе қорғанысы күште­рінің бас қолбасшысы генерал-лейтенант Александр Со­ро­киннің жетекшілік етуімен басшылық құрам әуе шабуы­лы­на қарсы және жердегі стра­тегиялық нысандар­ды қанатты ракеталардан қорғау­дың әдісте­ме­лерін, сондай-ақ оған әзір­лікті жетілдірудің негізгі бағыт­тарын қарастырды. Жиын бары­сында басшылық құрам лек­ция­лық сабақтарға қатысып, әдіс­темелік шараларды жүзеге асыр­ды және өздері есеп берді. Ұшақжайда қорғаныс ведом­ство­сының басшысы жуырда Қа­зақстанның ұлттық құрамасы сапында Фуянг қаласында (ҚХР) өткен Азия мен Океанияның XIV халықаралық, сондай-ақ Қытай­дың ашық интернационалдық чемпионатына қатысып қайтқан Қазақстан Республикасы Қарулы Күштері Әуе қорғанысы күште­рінің парашютшілерді дайындау орталығының спортшыларымен кездесті. Біздің спортшылар екі кубок пен 10 алтын медальға қол жеткізген болатын. Қорғаныс ведомствосының бас­шысы әуе шабуылына қарсы әскерлер бөлімдерінің әуе шабуы­лына қарсы ұрыстар жүргізуін, қанатты ракеталарға тосқауыл қоюын, жоюшы авиацияның жа­уынгерлік қимылдарын, сондай-ақ стратегиялық нысандарды ба­сып алатын диверсиялық топты транспорттық ұшақтан түсіру әдістері мен тәсілдерін бақылады. Әділбек Жақсыбеков Әуе қорға­нысы күштерінің қару-жа­рағы мен әскери техникасының, әсіресе, авиациялық техника­ның, әуе шабуылына қарсы кү­рес әскерлері техникасының, байла­ныс және радиотехни­ка­лық қам­та­масыз ету әскер­ле­рінің қысқы жағдайға әзір­лігінің де ерекшеліктерін назардан тыс қалдырған жоқ. Шараның со­ңында 2011 жылға қорытынды жасалып, 2012 жылға міндеттер қабылданды. Оксана ПАРПУРА, Қорғаныс министрлігі баспасөз қызметінің өкілі. Суретті түсірген Ермек САРБАСОВ.