"Латын қарпіне көшу біз үшін де өте маңызды оқиға және осы айтулы оқиғамен Қазақстанды құттықтағым келеді. Қазақстан Түркия, Әзербайжан, Түрікменстан және Өзбекстаннан кейін латын графикасын қабылдаған бесінші мемлекет болып саналады. Қазақстан кириллицаға негізделген әліпбиді пайдаланып келді. Сондықтан бұрын бір-бірімізді түсіну қиынға соғатын. Енді көп дүниеде түсінісу оңай болмақ. Алдағы уақытта Түркия мен Әзербайжандағы миллиондаған оқырмандар қазақ тіліндегі дереккөздерді оңай пайдалана алады. Сонымен қатар ғасырдан астам уақыт бұрын Баку қаласында өткен Бірінші түркологиялық съезде зиялы қауым өкілдері бір-бірін аудармашының көмегінсіз түсінгенін естен шығармау қажет. Латын қарпіне көшу түркі әлемін біріктіру жолында маңызды қадамға айналады деп сенеміз. Сондай-ақ бүгін қабылданған әліпбидің алдыңғы екеуіне қарағанда тиімді әрі қолдануға ыңғайлы екендігін атап өткім келеді", дейді ол "Егемен Қазақстан" газетіне берген пікірінде.
