Нұрғали Ораз. Қыз құлаған

Бағзы бір замандарда теңіз толқындары басын иіп, маңдайын тигізіп, мына мұнараға тәу етіп жатады екен. 

Егемен Қазақстан
23.02.2018 3878
2

Қап-қараңғы түнде алыстан жарқы­раған жеті түрлі жарықты көрген кемедегі жолаушылар жағасын ұстап: «Апыр-ай, бұл қандай керемет?!» деп таңғалатынға ұқсайды.

Әне, сол кезде оны бұрыннан біле­тіндер:

«Е-е, бұл – Бакыдегі мұнара ғой! Апыр-ай, елге де жетіп қалған екенбіз!» деп қуанады.

Ал білмейтін кісілер:

«Мұнара дейсіз бе? Ол неге жеті түрлі жарық шашып тұр?» деп сұрайтын көрінеді.

«Өйткені оның жеті қабатынан жеті түрлі сәуле тарайды.»

«Қызық екен!..»

«Е-е, ел-жұрт оны баяғыдан «Гыз галасы», яғни «Қыз мұнарасы» деп атайды. Қаласаңыз, мен сізге оның тарихын айтып берейін...»

Әрине, біз әлгі жолаушының қай аңыз­ды тілге тиек ететінін, өкінішке қарай тап басып біле қоймаймыз. Өйткені әзер­бай­жан елінің астанасы Баку қа­ла­сындағы Қыз мұнарасы хақында бір­неше аңыз бар. Олардың ішіндегі ең көнесі зороастризм дәуірінде туған деседі.

Оның қысқаша мазмұны былай: ерте, ерте, ертеде бір патшаның сүйікті жары қайтыс болып, қатты қайғыға батады. Содан соң, елдегі басқа аруларға көңілі толмай, бақилық сапарға аттанған зайыбына ұқсас жанды іздейді. Сөйтсе... Бөтен емес, бөгде емес, өз қызы марқұм анасынан аумайды екен ғой!.. 

Есі ауысқан патша енді теңіз жағасынан биік мұнара салдырып, ұлан-асыр той жасап, туған қызымен қосылмаққа бел байлайды. Бірақ, той бітіп, жиналған жұрт тарқап, екеуі оңаша қалған сәтте жантүршігерлік қорлыққа төзе алмаған байғұс қыз әлгі мұнараның биігінен секіріп, жантәсілім етеді...
Кешегі, бүгінгі тарихшылардың жазуына қарағанда, бұл аңыздың көне дәуірдегі шын­дықтармен сабақтасып жата­тын жерлері бар көрінеді. Айталық б.д. 439-457 жылдары билік құрған сасанид­тер әміршісі Иездигерд шын мәнінде ежелгі зороастрииліктердің жабайы дәс­тү­­рін жаң­ғыртып, ағасы қарындасына, әке­сі қы­зына үйленуге болады деген заң шы­ғар­ған екен. 

Әйткенмен, бұл аңыз – айтушының да, тыңдаушының да көңіліне кірбің ұялатары хақ.

Сондықтан Қыз мұнарасы жайындағы екінші аңызды тезірек тыңдауға іштей құмбыл боларыңыз анық.

Ол енді, былай; баяғыда әзербайжан халқы бұл қаланы Бакы деп те, қазіргідей Баку деп те атамай, Багуан деп атайтын көрінеді. 

Міне, сол Багуанды атақты Нұриддин шаһ қалың әскерімен үш ай бойы қоршап, тас қорғанын әне-міне қиратуға айналғанда ел ішіндегі бір данышпан, көріпкел кісі: «Бізді бұл зұламаттан қаршадай ғана батыр қыз құтқарады!» деп жаһанға жар салыпты.

Айтса айтқандай-ақ, келесі күні қолын­да от шашқан алмас қылышы бар жап-жас қыз таң шұғыласымен бірге пайда болып, атағы жер жарған даңқты қолбасшы Нұриддин шаһтың жүрегін ойып алады.

Бірақ тілге келмей жан тапсырған Нұридиннің жап-жас, келбетті жігіт екенін көріп, ес-түссіз ғашық боп қалады. Сөйтіп, өзегі өртеніп, қайғыдан қан жұтып, өз жүре­гіне өзі қанжар салады.

Сонда жеті күн, жеті түн бойы бұл өлкеде сұмдық жел көтеріліп, алапат дауыл соққан деседі...

Бұл аңыз да, тарихшылардың айтуына қарағанда, тарихи шындықтан алыстап кетпейді. Себебі б.д.д. VI-VII ғасырларда Нұриддин шаһ қаһарын төгіп, қалың әске­рімен келіп қаланы қоршауға алған кезде бұл өлкеде, расында да, өте қатты жер сілкінісі болып, көп ел қырылған көрінеді.

Міне, сондықтан да аталмыш аңыз­дардың қай-қайсысы болмасын ілгергі замандардағы тарихи оқиғалардың негізінде туып, кейінгі ұрпаққа жеткенше құбылып, түрленіп, көркемдік сипат алып отыратынына тағы да бір көз жеткізгендей боласыз. 

Әзербайжанның белгілі ақыны әрі драматургы Жафа Жаббарлы 1923 жылы осынау аңыздың желісі бойынша «Қыз мұнарасы» атты поэма жазған. Және 1924 жылы аталмыш поэманың негізінде көр­кем фильм де түсірілген. Ал 1940 жылы Әзербайжанның халық әртісі, ком­позитор Афрасияб Бадалбейли «Қыз мұнарасы» атты алғашқы әзербайжан балетінің музыкасын жазды.

* * *

Жалпы, Бакудегі Қыз мұнарасының қашан, қай заманда бой көтергені туралы әртүрлі талас-тартысқа толы пікірлер бар. Солардың бірі – мұнараның кіреберісіндегі қабырғаға ілінген: «Масуд ибн Дәуіт губбесі» деген жазуға қатысты өрбиді.

Араб өрнегімен жазылған осы бір тақтаға байланысты деректерді алға тар­та отырып, көптеген ғалымдар күні кешеге дейін Қыз мұнарасы ХІІ ға­сыр­да салынған деген болжам жасап кел­ді. Әйт­кенмен, «губбе» деген сөздің мұсыл­ман әлемінде кәдімгі «күмбез» деген мағынаны білдіретінін еске алған жұрт бұған күмәндана бастады. Себебі мұнда ешқандай құлпытас та, қабір де жоқ. Оның үстіне, әлгі тақтайшаның сылағы мұнара құрылысына қолданылған сылақтан мүлде басқа көрінеді. 

Демек, бұл тақтайша кейін, ислам дәуірі басталған шақта қойылған болса керек. Былайша айтқанда, ХІІ ғасырда мұ­нараны күрделі жөндеуден өткізген мұ­сылман қауым әлгі қабырғаның осы тұсындағы тесікті жауып, арабша жазуы бар тақтайша орнатқан деген болжам шын­дық­қа жақындайтын сияқты.

Міне, өстіп, мұнара тарихын зерттеу­ші­лердің пікірі екіге жарылады. Алғашқысы Қыз мұнарасы ХІІ ғасырда салынған деген әуелгі болжамды ұсынса, кейінгілері ислам дәуіріне дейін бой көтерген деген пікірге тоқтайды. Бір анығы, бұл мұнараның ХІІ ғасырда Ширваншаһтар әулетінің қамалы болғандығы және Бакы қаласының қорғаныс жүйесіндегі басты нысандардың бірі болып келгендігі ғана.

Одан соң, XVII-XIX ғасырларда Қыз мұ­нарасы теңіздегі кемелерге бағыт көр­се­тетін биік әрі сәулетті маяктың қызметін атқарғандығы да анық.
Ал 1907 жылы теңізшілер бұл маякты мұнарадан алып, Наргин аралына кө­шіреді. Себебі күн өткен сайын аумағы үлкейіп, қанатын кеңге жайып келе жатқан Баку қаласының шамдары мұнарадағы маякпен шағылысып, теңіздегілерді алған бағытынан жаңылыстыра беретін болған.

Ғасырлар көшінде Қыз мұнарасының әлденеше рет күрделі жөндеуден өткені белгілі. 

Ондай жұмыстардың соңғысы 1960 жылы жүргізілген екен. Сонсоң, арада төрт жыл өткенде ол тарихи мұражайға айналған. 2000 жылдан бастап ЮНЕСКО-дағы Бүкіләлемдік мұралар тізіміне еніпті.

Дегенмен, «Бұл мұнара әу баста не үшін, қандай мақсатпен салынған?» деген сұрақтың туындайтыны заңды.

Бұл ретте бүгінгі күнге дейінгі зерттеуші ғалымдардың басым көпшілігінің пікірі – діни мақсатта салынған деген болжамға келіп тіреледі. Себебі түрік тіліндегі «гала», «кала» деген сөздердің «мұнара», «қамал» деген мағыналарынан бөлек тағы да бір төркіні барға ұқсайды. Ол «от тұтату», «шырақ жағу» деген ұғымды білдіреді екен.

Сондықтан да Қыз мұнарасының қабырғаларындағы ысқа, күйеге қарап, ғалымдар осындай болжам жасайды. Оның үстіне б.д. бесінші ғасырда хатқа түс­кен тарихи, рухани мұра – Моисей Хоресскийдің жазбаларындағы «оның төбесінде ылғи да жеті шам жанып тұратын» деген жолдар осы болжамды қуаттай түседі. Тағы да бір маңызды жайт, көнеден жеткен деректерге қарағанда, мұнараның жеті қабатынан жеті түрлі сәуле шашырайтын болған.

Жалпы, «Қыз  мұнарасы» деп атала­тын мұндай тарихи құрылыстар дү­ние­­жүзіндегі көптеген қалаларда, атап айт­қанда, Ыстанбұлда, Қырымда, Таллинде, Белгородта т.б. бар. Бұлардың бар­лығы дерлік ежелгі жаугершілік замандарда қорғаныс мақсатында қолданылған берік әрі күрделі құрылыстар болып табылады. Сондықтан да еуропалықтардың көзқарасы, талғам-танымы бойынша «Қыз мұнарасы» – ешкімге бас имеген, жат жұртқа тәуелді болмаған, асқақ, сұлу, таза құрылыс деген мағынаны да білдіреді.

Әйтсе де, қыз тағдыры – ел тағдыры секілді ілкі заманалардан бері адамзат қиялын тербеп, әртүрлі аңыздарға арқау болып келеді. Және ондай аңыздарға қазақ жері де кенде емес. 

Айталық еліміздің оңтүстік қиырында жатқан Өгем тауларының биігіндегі мәңгілік мұзарттар мен қарлы шыңдардың көз жасындай мөлдіреген Мақпалкөлді еске алайықшы. Міне, осынау көлдің атауына байланысты да бір қызықты аңыз бар.

... Бесікте жатқанда атастырып, құда болып қойған жерден бас тартып, өз теңіне қосылуды армандаған Мақпал қыз әке-шешесі мен ағайын-туыстың қарсылығына тап болғанда өзін-өзі биік құздан тастап, таудағы көлге батып өледі.

Рас, кейде қыз тағдырына дүние-бай­лық, тамыр-таныстық, ішкі және сыртқы есеп­тер ғана емес, ел тағдыры, жер тағды­ры да араласатын шақтар болады. 

Ондай кездерде жазмыштың басқа салғанына амалсыз көніп, әке-шеше, ағайын-туыстың қамын ойлап, қай-қайдағы бір қаба сақал, дәулетті кісілердің жетегіне еріп жүре берген арулар қаншама десеңізші. Әйткенмен... Адамзат баласы өз еркіндігін жоғары қойып, әзиз басын құрбан еткен Мақпал қыздарының ерлігін аңыз етіп шертіп, ғасырдан ғасырға мұра етіп қалдырып отырады.

Мына мазасыз тіршіліктің оты мен суына, ыстығы мен суығына қарамай, тынымсыз алға жылжи беретін бір ғана нәрсе бар. Ол – уақыт.

Таң атады, күн батады. Ай өтеді, жыл өтеді. Бірте-бірте бәрі де ұмытылып, адамзат тарихындағы қадау-қадау оқиғалар ғана аңызға айналып қалады.

...Бір кездері теңіздің асау толқындары басын иіп, маңдайын тигізіп, тәу етіп жататын Қыз мұнарасынан бұл күнде Каспий әлдеқайда алыстап, шегініп кеткен. Себебі су тартылған, тау шөккен, шаһар өскен.

Ал қала орталығындағы ескі мұнара көненің көзіндей болып, кешегіні бүгінге, бүгінгіні ертеңге сыр етіп шертіп, қасқайып тұрар тарихи құнды ескерткіш есебінде қала бермек.

Нұрғали ОРАЗ,
«Егемен Қазақстан»

СОҢҒЫ ЖАҢАЛЫҚТАР

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

21.09.2018

Тұрмыстық қатты қалдықтарды өңдеу бойынша жоба әзірленді

21.09.2018

Кәрім Мәсімов терроризмге қарсы орталықтың отырысын өткізді

21.09.2018

Қостанайлықтар жарықдиодты шыны жолмен жүреді (ВИДЕО)

21.09.2018

Қанат Ислам мақтааралдық жас боксшыларға мастер-класс өткізді

21.09.2018

Алексей Луценко: «Алматы турын» апталық жарыс қылса керемет болар еді

21.09.2018

Бурабайда жаңа мешіт ашылды

21.09.2018

Онкологиялық қызметтің атасы Сәкен Нұғмановтың 100 жылдығы атап өтілді

21.09.2018

Дзюдошы Ерлан Серікжанов жартылай финалға шықты

21.09.2018

Қайрат өз құрамын жария етті

21.09.2018

Асқар Жұмағалиев Үндістанның АТ және телекоммуникациялар министрімен кездесу өткізді

21.09.2018

Шетелдік мамандар ауылдық мектеп оқушыларына ағылшын тілін оқытуды бастады

21.09.2018

Шыңғырлау ауданында төрт емдеу нысаны күрделі жөндеуден өтті

21.09.2018

Рани Мукерджидің қазақтарға сәлемі

21.09.2018

Елбасы «Қазатомөнеркәсіп» ҰАК» АҚ басқармасының төрағасын қабылдады

21.09.2018

Даниал Ахметов Зырян ауданын Алтай деп атау туралы ұсынысты қолдады

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу