Вице-премьер Беларусь Республикасы Премьер-министрінің бірінші орынбасары Василий Матюшевскиймен және байланыс және ақпараттандыру министрі Сергей Попковпен кездесті. Тараптар екі елдің ақпараттық технологиялар саласындағы ынтымақтастығы мүмкіндіктерін талқылады.
Одан әрі Қазақстан өкілдері Беларусьтің Жоғары технологиялар паркіне барды. Парк резиденттері түрлі салаларға арналған бағдарламалық қамсыздандырулар, цифрлы шешімдер әзірлеумен айналысады. «Жоғары технологиялар паркінің әкімшілігі» МБ директоры Всеволод Янчевскийдің айтуынша, ішкі нарықтың болмауына байланысты стартаптар әуелден шетелдік компаниялармен бәсекелестікке бағдарланған, сондықтан да олардың өнімдері сапасымен және бірегейлігімен ерекшеленеді. Бүгінде бірнеше беларусьтік стартаптар дүниежүзілік танымалдыққа ие болған.
Жоғары технологиялар паркінің тәжірибесі қазақстандық Астана IT-Hub үшін пайдалы болуы мүмкін. Кездесу соңында тараптар ынтымақтастықты одан әрі жалғастыру туралы келісімге келді, ол Астана IT-Hub алаңында жалғасуы мүмкін.
Бұдан өзге, қазақстандық делегация қала инфрақұрылымына, өнеркәсіп, ауыл шаруашылығы, қауіпсіздік және т.б. салаларға арналған цифрлы шешімдерді ұсынған беларусьтік компаниялармен бірқатар кездесулер өткізді. Компаниялар қазақстандық нарық әлеуетінің зор екеніне көз жеткізіп отыр және «Цифрлы Қазақстан» бағдарламасының жобаларына қатысуға әзір.
