Жобаның тұсаукесеріне Арнайы мониторингтеу тобының мүшелері Айгүл Соловьева, Ғалым Байтоқ, Талғат Нәрікбаев және агенттіктің Сыбайлас жемқорлыққа қарсы саясат департаментінің директоры Салауат Мүксімов қатысты.
Агенттік өкілінің айтуынша, бюджет қаражатын бөлу және дамыту бойынша мемлекеттік органдар орналастыратын ақпарат тізбесін кеңейтуге шаралар қабылдануда. Сонымен қатар деректер азаматтар үшін ең қолжетімді және түсінікті түрде ұсынылған. «Qamqor» қосымшасы арқасында хабарламалар автоматты түрде уәкілетті органға жіберіледі.
Құрылыстың барысын бақылап отыру және азаматтардан хабарларды қабылдау мүмкіндігі үшін Арнайы мониторинг тобының желісі айтарлықтай кеңейген. Осылайша, жақында қалалық және аудандық деңгейлерде мониторинг топтарының желісі құрылды. Аудандар мен ауылдық округтердің тұрғындары әлеуметтік нысандардың, автомобиль жолдарының және басқа да тікелей аймақтық топтар арқылы құрылыс жұмыстарының барысын бақылай алады. Бұл өзара қарым-қатынас схемасы бюджеттен бөлінген әрбір тиынға қоғамдық бақылауды қамтамасыз етуге мүмкіндік береді.
Сондай-ақ агенттіктің қызметкерлері қолданыстағы заңнамаға сәйкес расталған сыбайлас жемқорлық фактілері туралы хабарлаған азаматтар 30-дан 100 АЕК сомасында ынталандырылатынын еске салды.
Арнайы мониторингтеу тобының мүшесі – Қазақ мемлекеттік заң университетінің ректоры Талғат Нәрікбаев университет пен агенттік бірлесіп азаматтарға автоматты түрде мемлекеттік органдармен өзара іс-қимыл мәселелері бойынша тегін кеңес беретін арнайы «ЮрСоветник» телеграмм-бот бағдарламасы әзірленгенін жеткізді.
