Астанада Орталық Азия елдері басшыларының кездесуі өтіп жатыр
233 рет
көрсетілді
1 мин
оқу үшін
Астанада Орталық Азия елдері, соның ішінде Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы басшыларының жұмыс (консультативтік) кездесуі өтіп жатыр.
«Біздің ішкі мәселелерімізді шешу үшін тұрақты жұмыс кеңесін өткізу бастамасы Өзбекстан Президентіне тиесілі. Оның жеңіл қолымен біз туындаған мәселелерді оңай шеше аламыз. Кездесуіміз барлығымыз үшін ортақ көктем мерекесі - Наурызда өтуінің нысандық мәні бар. Оған қоса, бұған дейінгі кездесу 9 жыл бұрын өткен болатын. Содан бері кездескен жоқпыз. Әрине, байланыс болды. Бірақ мұндай кездесу болған емес», - деді жиынды ашқан Мемлекет басшысы Нұрсұлтан Назарбаев.
Сондай-ақ, Елбасы Қазақстан көршілерімен, әсіресе тарихы мен мәдениеті, дүниетанымы ортақ Орталық Азия елдерімен тығыз экономикалық ынтымақтастыққа ұмтылатындығын баса айтты.
