«Қала әкімі Алмат Ысмағұлов кәсіпкерлерге «Рухани жаңғыру» бағдарламасы аясында және Астананың 20 жылдығы құрметіне осы жобаны жасауды ұсынды. Кіші «Бәйтеректі» жасауға қаладағы өзге кәсіпорындар да қол ұшын созды. Оны айналдырған екі күннің ішінде құрастырып, Наурыз мейрамында қалалықтарға тарту етті» дейді Лисаков қаласы әкімінің баспасөз хатшысы Максим Сушко.
«Бәйтерек» бұрын қаланың жарнамалар ілініп тұратын алаңды жандандыра түсті, жаңа түр берді. Он бес метрлік монумент қаланың барлық шалғайынан көрініп, асқақтап тұрады. Оған мамандар түрлі-түсті шам өткізгендіктен, ол қас қарайғанда түрленіп, құбылып сала береді.
Нәзира Жәрімбет,
«Егемен Қазақстан»
