Бақыт пен үйлесімнің іңкәр мекені

Суретшінің шығармашы­лық әлемге келуіне әжесі, Қа­зақ­­­станның халық жазушысы Мәриям Хакімжанованың ық­­палы зор. Суретшінің бала ке­зінде олардың үйіне Сәбит Мұқанов, Айша Ғалымбаева, Ғафу Қайырбеков, Фариза Оң­ғар­сынова, Бибігүл Тө­легенова, Ма­ғираш Қожахметова, Мән­шүк Мәметованың анасы Әми­на апа және тағы басқа да осындай тамаша адамдар жиі келіп, қонақ болған. Осы се­беп­ті олардың шаңырағына өнер мен жігердің киесі қонған де­седі. 

Ә. Қастеев атындағы Мем­ле­ке­ттік өнер музейіне барып су­ретшінің «Кең даланың әсем сәу­лелері аясында» деп аталған же­ке шығармашылық көрмесін та­машалаудың сәті түсті. Көр­ме­ге суретшінің жеке коллек­ция­сынан алынған 50-ден астам графикалық жұмысы қой­ылған. Суретші «жазда ағам екеу­мізді туыстарымызға алып баратындықтан, ауыл өмірінің тынысы жаныма жақын болып өстім» деп еске алады. «Мәңгілік жылы», «Бақыт құсы», «Әулие ағаш», «Ескі құ­дық», «Тәтті ұйқы», «Сазсыр­­най тартып тұрған қыз» атты жұмыстарын ең жарқын балалық әсердің жалғасы десек болады.

«Айгүл Хакімжанованың шығармашылығында халық ертегілерінің таңғажайыптығы  көне аңыздардың құпиялығы мен оның жан сезімінің сұлу­лы­ғы өріле біткен. Ол өзінің әр­бір жұмысында көпшілігі жұм­ақ десе, кейбірі балалық шақ деп атайтын бақыт пен үй­лесімнің ғайып болған әле­мі­не қайта оралып отырады.  Айгүлдің көркемдік стилі мен қолтаңбасы, тақырыптары мен сюжеттері қалай қалыптасып, қалай өзгергенін, тұтастай ал­ған­да, оның картина әлемінің қа­лай пайда болғанын көруге бо­латын, сонымен бірге әр­дай­ым бола бермейтін мүм­кін­шілік жасайды», дейді көрме же­тек­шісі Ғалия Әли. 

Айгүл Хакімжанова «Кер­құла атты Кендебай», «Даниял­дың сиқырлы түстері», «Нарғыз ту­ралы дастан» сияқты көп­те­ген қазақ ертегілері мен ба­ла­­лар кітаптарына арнап та­ма­­ша иллюстрациялар жаса­ды. Экспозицияда халық ер­те­гілері мен қазіргі заман ав­тор­ларының әңгімелеріне са­лынған иллюстрациялар мен гра­фи­калық эскиздер мен этюд­тер­ді тамашалауға бо­ла­ды. Әр шы­ғарма өзіне тән қай­та­лан­бай­тын сиқырымен ерек­ше­ле­неді. Терең ойға тарта түседі. Қ­ыл­қалам иесінің «Құ­пия­лардан тыс» деп аталған кар­тинасынан терезеге телміре қараған үшеуді көрдік.  Бұл сурет үш жеткіншектің қи­мылын ғана емес, олардың кө­ңіл терезесінен көрінген та­залықты аңғартады. Бұл сурет – бақыт пен үйле­сі­мнің іңкәр мекені...

Арман ОКТЯБРЬ,
«Егемен қазақстан»

АЛМАТЫ