«Златан «Манчестер Юнайтед» клубымен бірге Чемпиондар лигасында жеңіске жетуді армандаған болатын. Бірақ МЮ «Севильядан» жеңіліп, лигадан шығып қалған соң, оны командада ұстап тұратын ештеңе қалмаған еді. Сондай-ақ «Юнайтед» АПЛ-да «Манчестер Ситиден» 16 ұпай артта қалып, екінші орында келе жатыр. Маусым соңына дейін «Ситиді» қуып жете алмайтыны анық», дейди Фу.
Sports Illustrated басылымының жазуынша, Ибрагимовичтың калифорниялық клубпен 2019 жылдың соңына дейін келісімшартқа отырып, жылына 1,5 миллион еуро алады. Айта кетейік, Златан «Манчестер Юнайтед» сапына 2016 жылы келіп, Англия кубогы, Англия Суперкубогы және Еуропа лигасында жеңіске жеткен.
Әли БИТӨРЕ,
«Егемен Қазақстан»
