«Сауль Альварес 17 және 20 ақпан күндері кленбутеролды анықтайтын допинг-тест тапсырып, ол оң нәтижені көрсеткендігі үшін бокстан уақытша шеттетілді. 10 сәуірде Альварес қатысуға тиісті комиссия отырысы 18 сәуірге ауыстырылды», деп хабарлады атлетикалық комиссияның атқарушы директоры Боб Беннетт.
Айта кетейік, қазақстандық боксшы Геннадий Головкин мен мексикалық Сауль Альварес осы жылдың 5 мамырында АҚШ-тың Лас-Вегас қаласында жұдырықтасуы тиіс болған. Енді Головкин мен Альварес жекпе-жегінің өту-өтпеуін Невада штатының комиссиясы шешетін болады.