Теннис • 06 Сәуір, 2018

Попко Чиличке ұтылды

281 рет
көрсетілді
1 мин
оқу үшін

Хорватия - Қазақстан құрамалары арасындағы ойында есеп өзгерді. Корт иелері 1:0 есебімен алға шықты. 

Попко Чиличке ұтылды

Әлемнің үшінші ракеткасы, адуынды Марин Чилич отандасымызды оңай ұтты десек артық емес. Әрине, 21 жасар жас теннисшіге жоғарғы деңгейдегі шеберге қарсы тұру оңайға соқпады. Алғашқы сетте есеп 6:2 болды. Алайда, алғашқы 5 геймге дейін қос қарсылас терезесі тең ойнап келді. Одан кейін басымдылықты қолына алған Чилич өз жанкүйерлерінің алдында желпініп кетті. Қатарынан 9 геймде жеңіске жетіп, есеп айырмасын жақсартып алды. Екінші сетте есеп 6:1 болса, үшіншісінде 6:2 болып тіркелді. Матч бойы 10 эйс жасаған хорватиялық жалпы есептегенде 98 рет ұпай еншіледі. Матчта болған 23 геймнің 18-ін ұтты. 

Ендігі ойын Борна Чорич пен Михаил Кукушкин арасында өтпек. 

Ермұхамед Мәулен,

Хорватия.