Бұл мектеп базасында ашылған кабинет аудандағы Балалар шығармашылығы үйіне қарасты болады. Кабинетте оқушылардың ақпараттық технологиямен айналысуына қажетті барлық құралдар орналастырылған.
«Мұнда балалар олимпиадаға дайындалу үшін, өздері ізденіп түрлі бағдарламалар жасауы, электроникамен айналысуы үшін қажетті құралдардың барлығы да бар. Жақында мектептің екі мұғалімі арнайы курстан өтіп, сертификат алатын болады. Содан кейін олар осы кабинетті сабаққа да пайдаланады. Оқушылар барынша жеке ізденіп, ғылыми жұмыстарға тартылады», дейді аудандық оқу білімінің әдіскері Айнұр Жұмағалиева.
IT кабинетте тек аудан орталығындағы мектеп оқушылары ғана емес, ауыл мектептерінің балалары цифрлық технологиямен керегінше танысып, пайдалана алатын болады.
Кабинетті жабдықтауға 8 миллион теңге жұмсалды.
Нәзира Жәрімбет
«Егемен Қазақстан»
Қостанай облысы,
Қостанай ауданы
