Парламент • 23 Сәуір, 2018

Дания Еспаева: Депутаттық сауалға толық жауап күтеміз

85 реткөрсетілді

«Ақ жол» демократиялық партиясының депутаттық фракциясы 2016 жылғы 19 қазанда Қазақстан Республикасы Қорғаныс министрлігінің мұқтаждықтары үшін қажет заттай мүлікті жеткізу барысында орын алған бәсекелестікті заңсыз шектеу фактілері туралы Ұлттық экономика министрлігіне (ҰЭМ) арнайы депутаттық сауал жолдаған еді.

Депутаттық сауалда Үкі­мет­тің қаулысымен елі­міз­дің Қа­рулы Күштерінің қажет­тіліктері үшін әскери-техни­ка­лық, соның ішінде зат­тай мү­лік­ті жеткізу бойын­ша мемле­кеттік қорғаныс тапсы­рысының жалғыз орындаушысы ретінде анықталған «Қазақстан инжи­ниринг» ұлттық компания­сы» АҚ заттай мүлікпен қамтамасыз ету бойынша ең ірі сатып алу­дағы барлық тапсырысты «Жа­сампаз» консорциумына бере салғаны жөнінде мәселе көте­рілді. Ал консорциум өз кезе­гінде тапсырысты тек өзінің мүшелеріне ғана таратып отырған. Сондай-ақ өндіріс же­лі­сінде бір-бірімен өзара еш бай­ланысы жоқ, бір­лескен іс-ша­раларды тек келісіл­ген іс-әрекеттерді жүргізу туралы уағ­даластық аясында өткізіп отыр­ған бірен-саран тауар өндіру­шілер ғана «Жасампаз» кон­сор­циумының мүшелері қата­рында болғаны да белгілі болды.

Осылайша, аталған консор­циум тоқыма өнімдерін жеткі­зетін отандық әлеуетті тауар өн­д­ірушілердің құқығын шек­теді. Бұл әділ және адал бәсекелес­тікті шектеуге және компания­лар­дың бір тобының нарықта жасанды үстем­дік жағдайын қалып­тас­тыруға алып келді. Нақ­тырақ айтсақ, еліміздегі жеңіл өнеркәсіп кәсіпорындары қауымдастығының 80-нен астам мүшесі осы аталған мемлекеттік қорғаныс тапсырысының орындалуына қатыса алмады.

Ұлттық экономика министр­лігі біздің депутаттық сауалы­мызға берген ресми жауабында Қорғаныс министрлігінің іс-әрекетінде бәсекелестікті шектеуге бағытталған сыбайлас жемқорлық белгілері болуы мүмкін екендігін, сондай-ақ Табиғи монополияларды реттеу және бәсекелестікті қорғау комитеті белгілеген жағдайда аталған мемлекеттік органға қатысты тергеу ісі жүргізілетінін атап көрсеткен.

Сондай-ақ жауапта «Қа­зақ­стан инжиниринг» ұлт­­­­тық компаниясы» АҚ іс-әрекет­терінде нарықтағы бәсе­келес­­тікті шектеуге қатысты үстем­дік немесе монополия­л­ық жағ­дайды теріс пайдалану бел­гілері болуы ықти­мал екендігі де көрсетілген және барлық тексеру жұмыстары аяқталғанда қо­рытындысы бойынша қосымша ақпарат береміз деген уәде берген еді. Алайда бүгінгі күнге де­йін ешқандай ақпарат түскен жоқ.

Осыған орай, «Қазақстан Рес­пуб­ликасының Пар­ла­­менті және оның депутат­тары­ның мәртебесі туралы» Конс­титуциялық заңға сәй­кес депутаттық сауалға жауап қайтару мемлекеттік орган­дардың лауазымды тұлғаларына ресми түрде қойылған талап болып саналатынын ескерте отырып, біз Ұлттық экономика министрі Т.Сүлейменовке тағы да сауал жолдап, лауазым­ды тұлға өз құзыретіне кіретін мәсе­лелер бойынша нақты түсінік­теме беруге немесе ұстанымын мәлімдеуге тиіс екенін айттық. Сауал жолданған әрбір лауазымды тұлға қойылған сұраққа Парламент сессиясында ауызша немесе жазбаша түрде жауап беруге міндетті. Ал біз жоғарыда көрсетілген мәселелер бойынша ҰЭМ толық және жан-жақты жауап беруін талап етеміз.

Дания ЕСПАЕВА,

Мәжіліс депутаты

Баннер
Соңғы жаңалықтар

Арыс, біз біргеміз!

Аймақтар • Бүгін, 09:53

Апатта босанған ана

Аймақтар • Бүгін, 09:36

Газ құбыры құрылысы ойдағыдай

Қазақстан • Бүгін, 09:33

Салық жүйесі жетілдіріледі

Экономика • Бүгін, 09:28

Зардап шеккендермен кездесті

Аймақтар • Бүгін, 09:27

Кемеңгерлік келбеті

Қазақстан • Бүгін, 09:23

Агросектордың әлеуеті қандай?

Қазақстан • Бүгін, 09:15

Апаттың алдын алу мүмкін бе еді?

Аймақтар • Бүгін, 09:13

«Егеменнің» еңбегі еленген күн

Қазақстан • Бүгін, 09:03

Әрі ақын, әрі жазушы

Руханият • Бүгін, 00:18

Ұқсас жаңалықтар