Партиялық жобалар ел игілігіне айналуы тиіс

Отырыста М.Әшімбаев Ел­­­­ба­сының партия қызметін жаң­­­ғырту жөніндегі тапсырмасы бойынша қолға алынған пар­тиялық жобаларға кеңінен тоқталды.

Айта кетейік, партия жұ­мысын тыңғылықты сарап­тау­дың және халық тарапынан келіп түскен ұсыныстардың нә­­­­­ти­жесінде 20-дан астам пар­тиялық жоба дайындалды. Олар­дың қатарында жұмысы қайта жандандырылған «Ар­дагерлерді ардақтайық» және «Кедергісіз келешек» атты екі жоба да бар.

Жиынды ашқан «Нұр Отан» партиясы Төрағасының бі­рін­ші орынбасары аталған тың бас­тамалардың басым бағыт­тарын сөз етті. Оның айтуынша, жаңа партиялық жобалар ұйымға деген сенімді күшейтуге, еліміздегі стратегиялық бағ­дарламалық құжаттарды жү­зеге асыруға жүйелі түрде қа­тысуға, білікті кадрлар тобын қалыптастыруға және партия қызметін жаңғыртып, оның жұмы­сына заманауи технология­ларды қолдануға бағытталған.

Партия Төрағасының бірінші орынбасары жаңа жобалардың барлығы Елбасының партия қызметін жаңғырту жөніндегі нақты тапсырмасы бойынша дайындалғанын атап өтті. Соның нәтижесінде алдағы уақытта «Нұр Отан» партиясында алғаш рет жобалық менеджмент тә­жірибесі қолданылмақ. Бұл тә­жірибенің әлемдік дең­гейде аясы кең. Сол арқылы партияның Ор­­талық аппараты мен барлық фи­лиалдарының жұмысы жүйе­ленетін болады. Өз сөзінде М.Әшімбаев нұр­отандықтар атал­ған бастамаларды дереу жү­зе­ге асырып қана қоймай, көп ұзамай олардың нәтижесін де көрсетуі керектігін айтты. Сон­дай-ақ «Нұр Отан» партиясы Төр­ағасының бі­рінші орынба­сары «Цифрлы Қазақстан» бағдарламасы аясында қолға алынған жобаларға да ерекше назар аударды.

Жиында шағын және орта бизнесті қолдауға бағытталған бастамаларды жүзеге асырудың тиімді тетіктері де сөз болды. Атап айтқанда, «Нұр Отан» Бірыңғай геоақпараттық он­лайн-қызмет көрсететін портал құруды жоспарлап отыр. Сол арқылы қазақстандық кә­сіпкерлер сатылатын немесе жалға берілетін коммерциялық мақсаттағы жер телімдері туралы жан-жақты мәліметтерге қол жеткізбек.

Мектеп асханалары мен спорт алаңдарының жұмысы да пар­­тия назарынан тыс қалған жоқ. Сондықтан жаңа партиялық жобалар арқылы бұл әлеуметтік нысандардың да жұмысы жанданып, заман талабына сай қызмет көрсетпек. Партияның бастамасымен «Рухани жаң­ғыру» бағдарламасы аясында еліміздегі кітапханалар зама­науи білім орталығы ре­тінде қайта құрылып, кітап қо­рының электронды нұсқалары дайындалатынын да атап өткен жөн.

Отырыста партия хатшысы Тамара Дүйсенова аталған жо­баларды жүзеге асырудың бір­ыңғай алгоритмі туралы айт­ты. Партиялық жобалар «Циф­р­лы Қазақстан», «Рухани жаң­ғыру» сияқты маңызды бағ­дарламаларды жүзеге асы­руға және шағын және орта биз­несті қолдауға бағытталған. Соған орай партия мемлекеттік және жергілікті атқарушы органдармен, «Атамекен» ҰКП және үкіметтік емес ұйымдармен бір­лесіп жұмыс істемек.

Жиын барысында «Тегін 1000 ІТ-сынып» партиялық жобасын жүзеге асырудың тиімді тетіктері, осы жоба аясында жылына 150 мың қазақстандық мектеп оқушысы еуропалық білім беру тәсілімен бағдарламалау мен робот техникасының негіз­дерін үйренетіні, сондай-ақ ІТ-орталықтар базасында жылына 35 мың қазақстандық ақпараттық технология саласында білім алып, әлемдік нарықта жұмыс істеуге мүмкіндік алатыны айтылды.

Жиында өңірлерден келген өкілдер де сөз алып, жаңа бас­­тамалардың шын мәнінде ая­сы кең екенін, сондықтан күш бірік­тіріп жұмыс істеу ке­ректігін сөз етті.

Шара соңында М.Әшімбаев барша мемлекеттік және жер­­гілікті атқарушы орган өкіл­дері­нің назарын жаңа жобалар­ды жүзеге асырудың басым ба­ғы­т­тарына аударды. Сондай-ақ ол барша нұротандықтарға Ел­басы айқындап берген мін­деттерді абыроймен орындап, көздеген мақсаттарға қол жет­кізу үшін тынбай еңбек ету керектігін айтып, нақты тапсырмалар берді.

Жолдыбай БАЗАР,

«Егемен Қазақстан»