Байқау барысында облыс педагогтары мектеп жасына дейінгі педагог мамандығының мәртебесін көтеру, облыс педагогтарының шығармашылық қызметін жандандыру, педагогикалық ұжымдарда шығармашылық қарым-қатынастағы ахуалды қалыптастыру, таланттарды, шығармашылықпен жұмыс істейтін педагогтарды табу, олардың тәжірибелерін жинақтау және насихаттау сынды тапсырмалар бойынша сынға түсті.
Конкурстың сырттай өткен алғашқы турына мектепке дейінгі білім беру ұйымдарынан 26 үздік педагог қатысты. Олардың арасында 16 тәрбиеші, 4 педагог-психолог, 2 дене тәрбиесі бойынша нұсқаушы және 4 музыкалық жетекші болды.
Бәйгенің екінші кезеңіндегі сын бір тақырыпқа біріктірілген екі шарадан тұрды (тұсаукесер рәсімі, шеберлік сабағы). Барлық педагогтар өздерінің шеберліктерін, жұмыс тәжірибесін, шешендік қабілеттерін, әріптестерімен қарым-қатынастағы тіл тапқыш мінездерін көрсетіп, шеберлік сабақтарын өткізді.
Қазылар мүшесі конкурсанттардың әдістемелік және қатысымдық біліктілігін, жеке бас қасиеттерін, эрудицияларын ерекше атап өтті. Қорытынды шығарарда қазылар алқасы үміткерлердің ой тереңдігіне, ерекше баяндау шеберліктеріне және кәсібиліктеріне баса мән берді.
Байқаудың аты – байқау, әр конкурстың көшбастаушылары болады.
«Ең үздік тәрбиеші-2018» аталымы:
1-орын – Оксана Владимировна Цхай, «Балғын» сәбилер балабақшасы, Саран қаласы;
2-орын – Инна Васильевна Ключник, «Бөбек» балабақшасы, Абай ауданы;
2-орын – Юлия Анатольевна Габайдуллина, «Қарлығаш» сәбилер балабақшасы, Шахтинск қаласы;
2-орын – Светлана Александровна Данибекова, «Березка» сәбилер балабақшасы, Шахтинск қаласы;
3-орын – Светлана Викторовна Житинева, «Снегурочка» сәбилер балабақшасы, Шахтинск қаласы;
3-орын – Гүлжазира Мамайқызы Шоқубаева, «Балбөбек» сәбилер балабақшасы, Абай ауданы;
3-орын – Рауан Ерланқызы Ержанова, «Балдырған» балабақшасы, Ақтоғай ауданы.
«Ең үздік педагог-психолог-2018» аталымы:
1-орын – Татьяна Анатольевна Максяткина, «Снегурочка» сәбилер балабақшасы, Шахтинск қаласы;
2-орын – Ольга Александровна Ким, «Березка» сәбилер балабақшасы, Шахтинск қаласы;
3-орын – Танзиля Муллануровна Акбашева, «Салтанат» сәбилер балабақшасы, Шахтинск қаласы.
«Ең үздік дене тәрбиесі нұсқаушысы-2018», «Ең үздік музыкалық жетекші-2018» аталымдары:
1-орын – Диана Витальевна Кузнецова, «Балбөбек» сәбилер бала бақшасы, Абай ауданы;
2-орын – Ирина Петровна Байдарова, «Колокольчик» сәбилер балабақшасы, Саран қаласы;
2-орын – Татьяна Владимировна Мозер, «Алмагүл» балабақшасы, Қарағанды қаласы;
3-орын – Алена Сергеевна Чернова, «Салтанат» сәбилер балабақшасы. Шахтинск қаласы.
«МБ Ең үздік педагог-2018» конкурсы финалына қатысушылардың барлығына сертификаттар табыс етілді.
Қайрат ӘБІЛДА,
«Егемен Қазақстан»
ҚАРАҒАНДЫ
