Қазақстанның атақты боксшысы Жәнібек Әлімханұлы енді кәсіпқой рингке шығады

Қазақстанның атақты боксшысы, әлем және Азия чемпионы, Азия ойындарының жеңімпазы Жәнібек Әлімханұлын енді кәсіпқой рингтен көретін боламыз. Алматыда өткен ашық жаттығу барысында жоғарыда айтылған жаңалықты спортшының өз аузынан естідік. 

Егемен Қазақстан
24.05.2018 4830

Отандық спорт тарихында Жәнібектің өз орны бар екені еш дау туғызбаса керек. Бала кезінен белгілі боксшы, танымал бапкер Мұрат Сиқымбаевтың қол астында жаттыққан Алматы облысы Алакөл ауданына қарасты Жыланды ауылының тумасы әуесқой рингте ауыз толтырып айтарлықтай табыстарға қол жеткізді. Алғаш рет ол қырағы мамандардың назарына 2012 жылы ілікті. Сол жылы Астанада өткен ел біріншілігінде 75 келі салмақ дәрежесінде өнер көрсеткен 19 жастағы өрен барлық қарсыластарын жолынан ығыстырып, бас жүлдеге ие болды. 2013 жылы Амман мен Астанада ұйымдастырылған Азия және әлем чемпионаттарында топ жарып, 2014 жылы Инчхонда Азия ойындарының жеңімпазы атанды.

 Биыл Шымкентте өткен Қазақстан чемпионатында сәтсіздікке ұшырғаннан соң Жәнібек Әлімханұлы біраз уақыт жанкүйер назарынан тыс қалған еді. Сол кездері «Ол үлкен спорттан түбегейлі қол үзді» немесе «Кәсіпқой боксқа кеткелі жатыр екен» деген сыңайда түрлі әңгімелер өрбіді. Сол сауалдарға спортшының өзі БАҚ өкілдері алдында ресми түрде жауап берді.  

Кәсіпқой рингте күш сынасуға түбегейлі бет бұрған Жетісудің өрені танымал менеджер Эгис Климаспен келісімшартқа отыруды құп көрген екен. АҚШ-та тұрып жатқан тегі литвалық азамат көптеген былғары қолғап шеберлерін өз қамқорлығына алып, бүгінгі таңда толағай табыстарға қол жеткізіп отыр. Солардың қатарында Василий Ломаченко, Александр Усик, Сергей Ковалев, Александр Гвоздик және басқа шоқ жұлдыздар бар. Сонымен қатар 2017 жылдың ең үздік менеджері атанған маманмен Мадияр Әшкеев, Мейірім Нұрсұлтанов, Асхат Уәлиханов, Сағадат Рахманқұлов және Қанат Ислам сынды қазақстандық боксшылар жұмыс істейді.

Естеріңізге сала кетейік, Жәнібек Әлімханұлы осы күнге дейін кәсіпқойлар арасында екі кездесу өткізіп үлгерді. Екі ретінде де ол жеңіске жетті. 2016 жылы қандасымыз Алматыда колумбиялық Милтон Нуньесті бірінші раундта ұрып жықса, былтыр Астанада бразилиялық Жильберто Перейру дос Сантосты ұпай санымен ұтты.

Ғалым СҮЛЕЙМЕН,

«Егемен Қазақстан»

АЛМАТЫ

СОҢҒЫ ЖАҢАЛЫҚТАР

16.08.2018

Елбасы Ахметжан Есімовті қабылдады

16.08.2018

Астанада «Ұлттың ұлы мұрасын қадірлейік» атты іс-шара өтті

16.08.2018

Астана хабы Корея Республикасымен ынтымақтастықты нығайтуда

16.08.2018

Қаралы көктем.1953 жыл, наурыз

16.08.2018

Жакартада еліміздің мемлекеттік туы ресми түрде көтерілді

16.08.2018

Алматыда Батырхан Шүкеновтың атына көше берілді

16.08.2018

Кәсіпкерлер «Менің мектебім» жобасы­н қар­жыландырады

16.08.2018

Қуат Тумабаев Өскемен әкімі қызметінен кетті

16.08.2018

«Туған жерге тағзым» жобасы аясында 126 іс-шара атқарылды

16.08.2018

Зарема ШӘУКЕНОВА: Каспий теңізі айрықша мәртебеге ие болды

16.08.2018

БҰҰ Бас хатшысы Каспий теңізінің құ­­қық­тық мәртебесі туралы кон­вен­цияға қол қойылуын құптайды

16.08.2018

Зүлфия АМАНЖОЛОВА: Каспий конвенциясы – тұрақтылық пен орнықты даму кепілі

16.08.2018

«100 жаңа есім» жобасы тамыздан бастап өзінің екінші кезеңін бастайды

16.08.2018

Бизнес үшін GSP-ның артықшылықтары көп

16.08.2018

Астанада cпорт күніне арналған жиын өтті

16.08.2018

Astra: жол ақысын төлеудің жаңа электронды жүйесі, тарифтері және жеңілдіктер

16.08.2018

Ақ желеңділерге «алғыс» алуға болмайды

16.08.2018

Маңғыстаудың мақсаты – мұнайсыз даму жолымен көркейе түсу

16.08.2018

Қызылордада кәсіпкерлер көбейіп келеді

16.08.2018

Генуядағы көпірдің құлауына кінәлілер анықталды

ТАҒЫ ЖҮКТЕУ
КОЛУМНИСТЕР

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу