Алаш тақырыбына арналған көрмеде алаштанушылар жинақтаған көптеген мұралар қамтылыпты. Облыс әкімінің орынбасары Әсем Нүсүпованы көрме деректерімен таныстырған Абай кітапханасының библиографы Орынқамал Қайсинаның айтуынша, қорда Алаш қаласының тарихы, Алаш автономиясы туралы өте көп жинақталған мұра тұр.
-1917-27 жылдары Семейде Алаш автономиясы құрылды. Көрмеден Тұрсын Жұрбай, Дихан Қамзабеков, Манаш Қозыбаев сияқты көптеген алаштанушылардың еңбектерін көруге болады, олар бізге алашорда тарихы туралы көптеген кітаптар табыстады,-деді Орынқамал Қайсина,-алаштанушылар «Алаш» партиясының мүшелері Әлихан Бөкейханов, Міржақып Дулатов, Смағұл Садуақасовтар туралы кеңінен жазған. Смағұл Садуақасов саяси қуғын-сүргін көрген алғашқы алашордашылардың бірі. Оны крематорий пешіне азаптап 1931 жылы жағып жіберген.
Сондай-ақ, көрмеде алашордашылар Әлімхан Ермеков, алғашқы елші Нәзір Төреқұлов туралы да бар деп таныстырды Орынқамал Қайсина.
Раушан НҰҒМАНБЕКОВА,
СЕМЕЙ
