Бокс • 07 Маусым, 2018

Данияр Елеусінов кәсіпқой бокстағы екінші жеңісіне жетті

434 рет
көрсетілді
1 мин
оқу үшін

Қазақстандық боксшы Данияр Елеусінов Лондонда өткізілген жекпе-жекте кәсіпқой бокстағы екінші жеңісін қанжығаға байлады, деп хабарлайды sportinform.kz.

Данияр Елеусінов кәсіпқой бокстағы екінші жеңісіне жетті

Рио олимпиадасының чемпионы, «Matchroom Boxing» компаниясының жұлдызды боксшысы Данияр Елеусінов Лондонда өткен венгрлік Золтан Шебомен кезесуінде жеңіске қол жеткізді. Мажарстан боксшысы кәсіпқой бокста 36 кездесу өткізіп, оның 24-ін жеңіп алған. Ал қазақтың боксшысы Данияр Елеусінов бұл спорттың кәcіпқой шыңын енді бағындырып жатқанына қарамастан, бұл жекпе-жекте басымдылық танытып, 60-54 есебімен жеңіске қол жеткізді.

Спортшының кезекті қарсыласы Венгрия боксының әйгілі өкілі Габор Горбичпен кездесуі жоспарланған. Алайда, мажарлық боксшы кезекті спарингте жарақат алып, орнына Золтан Шабо шыққан еді.

Еске салайық, Данияр кәсіпқой бокстағы алғашқы жеңісін америкалық Ноа Киддоммен жұдырықтасу кезінде иеленген болатын.

 

Дайындаған, Ботакөз Амалбекова,

Еуразия ұлттық универистетінің 1 курс студенті