Парламент • 12 Маусым, 2018

Сенатта сақтандыру мәселелері туралы заңнамаға енгізілетін түзетулер қаралды

228 реткөрсетілді

Парламент Сенаты Қаржы  және бюджет комитетінің кеңейтілген отырысында «Қазақстан Республикасының кейбір заңнамалық актілеріне сақтандыру және сақтандыру қызметі, бағалы қағаздар нарығы мәселелері бойынша өзгерістер мен толықтырулар енгізу туралы» заң жобасы қаралды.

Заң жобасы қаржы-қаражат саласында көрсетілетін қызметтер бойынша тұтынушылар құқықтарын қорғаудың тиімді тетіктерін қалыптастыруға, қор нарығын дамытуға жағдай жасауға, қолданыстағы заңнаманы жетілдіруге және халықаралық тәжірибеге сәйкес келтіруге бағытталған.

Онлайн сақтандыруды енгізу ең маңызды жаңалықтардың бірі болып табылады. Сақтандыру саласын цифрландыру халықтың кеңсеге келмей-ақ, сақтандыру компанияларының интернет-ресурстары арқылы электронды түрде шарт жасасуға мүмкіндік береді. Келешекте делдалдардың болмауы сақтандыру құнын төмендетуге әкеледі.

Шетелге шығатын қазақстандық туристерді қорғау үшін олардың сақтандыру кестелері өзгертілетін болады. Туристердің мүлік жөніндегі мүдделерін міндетті сақтандыруға көшіру қарастырылып отыр. Туроператорлар туристік қызметті міндетті сақтандыру жөнінде шарт жасасуға міндетті, бұл ретте сақтандыру ұйымын таңдау құқығы ескерілетін болады. Сақтандыруға жататын оқиғалар болған жағдайда сақтандырылатын жағдайлар мен шығындар көлемі анықталады.

Заң жобасында сақтандырудың жаңа түрлерін – сақтандыру жүктемесін енгізу қарастырылған. Сақтандыру омбудсменінің өкілеттіктері кеңейіп келеді. Халық пен бизнеске арналған сақтандыру қызметтерінің қолжетімділігі мен құнын төмендетуді қамтамасыз ету үшін бірқатар шектеу шаралары енгізілді.

Құжатта Сақтандыру төлемдеріне кепілдік беру қорына қосымша кепілдіктер белгіленді. Автокөлік иелерінің азаматтық-құқықтық жауапкершілігін міндетті сақтандырудың аясында сақтандырылған оқиғалар санына қарамастан, сақтандыру полисін бір жыл ішінде үздіксіз қолдануды қамтамасыз ету қағидасы етіледі. Сондай-ақ, жәбірленушінің өмірі мен денсаулығына келтірілген зиян үшін сақтандырушының жауапкершілік ауқымы ұлғайтылды. Одан басқа, жобада қор нарығының инфрақұрылымын жақсартуға бағытталған ережелер де бар.

Заң жобасы Палатаның қарауына жіберілді.

Баннер
Соңғы жаңалықтар

Cафлор көлемі артып келеді

Аймақтар • Бүгін, 15:30

Жаны қазақ Виктория

Қоғам • Бүгін, 12:08

Қандастарға қамқорлық

Аймақтар • Бүгін, 10:00

Қытай айнасының құпиясы

Аймақтар • Бүгін, 09:55

Өнер қонған өлке

Аймақтар • Бүгін, 09:48

Музей жаңа залдармен толықты

Руханият • Бүгін, 09:20

Тасқа қашалған жыр

Аймақтар • Бүгін, 09:04

Инфляция ырыққа көне ме?

Экономика • Бүгін, 08:58

Ұқсас жаңалықтар