Алматы қаласындағы халықаралық бизнес университетінің студенттері белгілі журналист, «Нұр Отан» ХДП Саяси кеңесінің мүшесі Бигелді Ғабдуллинмен кездесті.
Кездесуде Тәуелсіздіктің 20 жылдығында Қазақстанның қол жеткізген жетістіктері мен қоғамды шынайы ақпаратпен қамтамасыз етуде және елді дұрыс бағытқа бастауда бұқаралық ақпарат құралдарының рөлі қандай болуы керек екендігі, білім беру жүйесінде тиімді реформаларды жаңғырту, Парламент Мәжілісінің сайлауы қарсаңындағы еліміздің партиялық белсенділігі қандай деген мәселелер сөз болды. Сонымен қатар, белгілі журналист пен студент жастардың арасында еркін пікір алмасу мүмкіндігі орнап, бүгінгі қоғамда қызу талқыға түсіп жүрген саяси, экономикалық және әлеуметтік тақырыптар да қозғалды.
Қанат ЕСКЕНДІР,
Алматы.