Әдебиет • 16 Шілде, 2018

Ашық аспан астындағы кітапхана

323 реткөрсетілді

Көкшетау қалалық орталық балалар және жасөспірімдер үлгілі кітапханасы Елбасының «Болашаққа бағдар: рухани жаңғыру» бағдарламасына орай ашық аспан аясындағы кітапхана ұйымдастырды. Алғашқы күні орталық саябақта салтанатты­ түрде ашылған бұл жоба бір күн­ді ғана қамтыған жоқ. Тұтас­тай онкүндікті қамтып, саялы ағаш­тардың аясында, таза ауа­да балғындарды кітап оқуға тар­тудың, осы орайда, оларды талай танымдық іс-шаралармен қауыштырудың қолдан келген барлық мүмкіндіктері қарас­тырылды. Сөйтіп бұл арада кәдім­гідей балаларға арналған әр­түрлі қызғылықты көркем әде­биеттерден, ойыншық кітап­тардан, мазмұнды эн­цик­­­­лопедиялар мен әсерлі фотоальбомдардан тұратын кітапхана қалыптасты. Кіш­кен­тай балдырғандар осы ара­да үстел ойындарына қаты­сып, түрлі құрастырмалы ойын­шықтарды құрастырып, асфальт үстіне түрлі-түсті суреттер салып, бақытты балалық шақтың алаңсыз әлеміне бойлай түсті.

Бір атап өтуге тұрарлық жайт,­ кітапхананың «Әдебиет әле­­міндегі демалыс» атты ашық аспан аясындағы бұл жобасы осы тектес республикалық шаралардың тізіміне енгізіліп отыр. Біраз балалар мен олар­дың ата-аналары қатысқан онкүндіктің ашылу салтанатына балалар тақырыбына қалам тербеп жүрген ақын-жазушылар Серік Жетпісқалиев, Қайырбай Төреғожа қатысып, өз қолтаңбалары қойылған кітаптарын сыйлады. Сонымен бірге жас өнерпаздар өнер көр­сетіп, қазақ және орыс тілдерінде балалар өлеңдері оқыл­ды, әндер шырқалды.

Бүгінде өміріміздің ажырамас бір бөлігіне айналып отыр­ған рухани жаңғыру шаралары жас жеткіншектердің де бойларына кішкентайларынан осы ұғымды сіңіріп, оларды отансүйгіштікке, кітапқұмарлық пен зерделілікке баулуымыз қа­жеттігін алға тартып отыр. Бұл ретте, көбіне өз-өзімен болып, жоғарыда айтқан себептермен айналасынан оқшаулана түскен жас ұрпақты руханияттың сара жолына салуымыз қажет. Осы бағытта өздері өмірге әкелген жобаға бір кісідей жұмылып, он күн бойы балаларға ашық­ аспан астындағы кі­тап­­хана ұйым­дастырған Көк­ше­тау қалалық балалар және жасөспірімдер үлгілі кітап­хана­сының ұжы­мына ризашылығымыз мол.

 

Байқал БАЙӘДІЛ,

«Егемен Қазақстан»

Көкшетау

Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Ұқсас жаңалықтар