Жас ананың өлімі 16 шілде күні таңғы сағат 9:25-те тіркелген. Әйелді құтқаруға Ана мен бала ұлттық ғылыми орталығы мен Ұлттық кардиохирургия орталығының дәрігерлері және «Астана» медициналық университетінің профессорлары жұмылдырылған.
Жасалған барлық жансақтау шараларына қарамастан ақ халаттылар жас ананың өмірін аман алып қала алмады. Дәрігерлердің айтуынша, дүниеге келген қыз баланың жағдайы қалыпты.
Оқиға бойынша сараптамалық комиссия құрылды. Комиссия өлім себебін анықтайтын болады.
Айта кетейік, маусым-шілде айларында елордадағы №1 перинаталдық орталықта үш әйел көз жұмған еді. Осыған байланысты аурухана жүкті әйелдерді қабылдауды уақытша тоқтатқан болатын. Кейін орталық штаттық режімде жұмысын қайта бастады.
