Күн сәулесін пайдалану өңірдің экономикалық дамуына оң әсерін тигізеді. Әдетте, энергия мол су көздеріне өндіріледі. Ондай ГЭС-ы жоқ жерлер энергияны өзге мемлекеттерден қыруар қаржыға сатып алуға мәжбүр. Ал, жасыл энергия игілігін пайдалану өзгеге кіріптарлықтан құтқарады.
Станция құрылысын жүргізуге инвестор «Номад Солар» серіктестігі ниет білдіріп отыр екен. Осы мақсатқа кенттің шығыс аумағынан 164 гектар жер телімі бөлінген. Күн сәулесінен қуат алатын құрылғылар орнатылып, станция іске қосылғаннан кейін мұнда шамамен 15 адам тұрақты жұмыспен қамтылатын болады.
Бақтияр ТАЙЖАН,
«Егемен Қазақстан»