Сауда-саттық мәселесі бойынша Аргентинада өткен әлемдік келіссөз кезінде экономика және қаржы Еурокомиссоры Пьер Московиси тараптармен ортақ келісімге келе алмағанын айтады. «Кездесу барысында бірқатар мәселелер бойынша пікір алмасып, бір-бірімізбен тәжірибе алмастық. Бұл жақсы бастама, бірақ келіспейтін тұстарымыз, күрмеу шешілмей тұрған мәселе бар», дейді ол.
Ал АҚШ-тың қаржы министрлігі басшысы Стивен Мнучин қытайлық әріптесі Лю Кунмен дұрыс сөйлесе алмағанын және Қытай делегациясы журналистермен сөйлесуден бас тартқанын айтты.
«Осы аптада президент Трамп Еурокомиссия басшысы Жан-Клод Юнкермен кездесіп, еркін және әділ саудаға қол жеткізгіміз келеді» деді ол.
Еурокомиссиядағылар Юнкердің Трампқа ешқандай ұсынысы жоқ екенін, қазір тек шуды қалай басу керектігі туралы пікірлесетінін айтуда.
