«Астана Опера»: бесінші белес бедері

 «Астана Опера» мемлекеттік опера және балет театры кезекті маусымын тәмамдады. Елімізден бөлек, жаһандық өнер кеңістігін айтулы жаңалығымен мойындатып жүрген ұжым үшін бесінші маусым ауқымды шығармашылық жоспарлар мен тәжірибелерге толы болды. Оның ішінде, әсіресе, Елбасы Нұрсұлтан Назарбаевтың «Болашаққа бағдар: рухани жаңғыру» бағдарламалық мақаласы аясында қолға алынған «Жаһандағы заманауи қазақстандық мәдениет» жобасы «Астана Опера» театрының шығармашылық қарымына зор ықпал етіп, жемісті жұмыстардың жүзеге асуына кең жол ашты.  

Егемен Қазақстан
06.08.2018 4539
2

Іргелі ізденістер

Елордамыздың 20 жыл­ды­ғымен тұспа-тұс келген театр­дың мерейтойлық маусымы негізінен Астананың төл мере­кесіне арналған еді. Өткен мау-
сымда театр репертуары опера және балет өнерінің әлемдік жауһарларымен толықты. Атап айтар болсақ, Жорж Би­зенің «Кармен», Джакомо Пуч­чинидің «Турандот», Мұқан Төлебаевтың «Біржан – Сара» опе­ралары мен Адольф Аданның «Корсар» балеті, сондай-ақ Карл Дженкинстің «Shine Astana» салтанатты одасы және Раймондо Ребек пен Ксения Звереваның «Заманауи хореография кеші» – ақсүйек өнердің талғампаз жанкүйерлері үшін айтулы өнер жаңалығына айналды.

«Астана Опера» сахнасында тұ­сауы кесілген әр қойылым өзіндік ізденіс ерекшелігімен көрермен көңіліне берік бекіп, кезекті маусым шымылдығын үлкен қимастықпен жапты. Олай болуы заңды да. Себебі бір ғана «Кармен» операсының театр репертуарына қосылуы бас шаһар көрермендерінің көптен күткен көңіл түкпіріндегі тілегі болатын.

Дирижер Алан Бөрібаевтың көркемдік жетекшілігінде үлкен сахнаға жол тартқан Жордж Бизенің бұл теңдесіз жауһары әдеттегіше өнер әлемінде үлкен резонанс тудырып, театрсүйер қауым көңілін тағы бір сер­пілткені анық. Бүгінде театр репертуарындағы сұранысқа ие кассалық қойылымдардың көшін бастап тұрған аталмыш опера елорда тұрғындары мен қонақтарының қайталап көруден жалықпайтын сүйікті туындыларының қатарында.

Жалпы, маэстро Алан Бөрі­баевтың қолға алған қай жұмы­сының да жанданып, жаңарып, нәтижесі жаңалыққа ұласып жата­тындығына талғампаз көрер­мен әбден сеніп, үйреніп алған. Көпшілік үшін бұл – аксио­ма. Мұның және бір дәлелі – «Shine Astana» жобасы. Есімі әлемге әйгілі дирижердің британ композиторы Карл Дженкинстың музыкасы бойынша жасаған концерттік бағдарламасы көрер­мендерді ғаламат әсерге бөледі.

Концерттің ерекшелігі сонда – мыңнан астам музыкант «Ас­тана Опера» сахнасында бас қосты. Олардың қатарында Қазақстанның барлық аймағынан, сонымен қатар Италия, Аустрия, Германия, Голландия, Грекия, Хорватия, Ресей, Беларусь, Тә­жік­стан мен Өзбекстаннан келген құрама симфониялық оркестрлер мен хорлар, сондай-ақ танымал қазақстандық тенор Медет Шотабаев пен әлемдік жұлдыз – америкалық опера соп­раносы Энджел Блу, «Астана Опера» жетекші солистері – Қазақстанның еңбек сіңірген әртісі, Мемлекеттік сыйлықтың лауреаты Майра Мұхамедқызы, Қазақстанның еңбек сіңірген қайраткері Талғат Мұсабаев пен халықаралық байқаулардың лау­реаты Мейір Байнеш сынды талантты өнерпаздар бар.

«Астана Опера» театрының бесінші маусымдағы тағы бір айтулы жаңалығы – Мұқан Төлебаевтың «Біржан-Сара» опе­расының жаңа музыка­лық-сахналық редакцияда көрер­менмен қауышуы дер едік. Режиссер, Қазақстанның еңбек сіңірген қайраткері Асхат Мае­мировтың қолтаңбасында сахна көрген ұлттық операның жау­һары заманауи озық техниканы ұтымды пайдалана отырып, көне мен жаңаның үндестігін мазмұндық һәм көркемдік биікте сәтті сараптаған болатын. Аталмыш туынды шілде айын­да Бурабай тауының баурайында ашық аспан астында көр­сетіліп, айтулы іс-шараға ар­найы қатысқан Мемлекет басшысы Нұрсұлтан Назарбаев ұжым ізденісін жоғары бағалады.

Сондай-ақ «Астана Опера» Мем­лекеттік опера және балет театрында қарақшылардың қиял­шыл өмірінің шытырманына құрылған әйгілі «Корсар» бале­тінің премьерасы да астаналықтар үшін өнердің үлкен мерекесіне ұласты. Француз композиторы Адольф Аданның ғажайып музыкасы жан бітірген әлемдік балет өнерінің жауһары Ресейдің Халық әртісі, «Астана Опера» театры балет труппасының көр­кемдік жетекшісі, есімі жаһанға мәшһүр балерина Алтынай Асылмұратованың суреткерлік ізде­нісінде елорданың 20 жыл­дығына арнайы дайындалып, көп­шілік назарына ұсынылған болатын.

«Астана Опера» театры кіш­кентай көрермендердің қызы­ғушылығын да назардан тыс қалдырған емес. Бесінші маусым балдырғандарды Тілеуғазы Бейсембектің музыкасына қо­йылған «Самұрық келген таң» және Эдвард Григтың «Пер Гюнттің саяхаты» атты қос қойылыммен қуантты. Бір жыл ішінде жалпы саны 126 217 көрерменді үлкен ілтипатпен қабылдаған «Астана Опера» театрының бесінші маусымының шымылдығы 350 жылдық тарихы бар атақты Париж ұлттық опера театры балет солистерінің гас­трольдік бағдарламасымен жа­былды. Еуропалық балеттің та­лантты әртістері ұсынған Gala de Paris жобасына әлемдік хо­реографияның жауһарлары енді.

Сәтті өнер сапарлары

«Астана Опера» мемлекеттік опера және балет театрының ұлттық өнерімізді жаһанға таныту жолында жасап жатқан жұмыстары да көңілге құрмет орнықтырады. Бесінші маусымда балет труппасы әйгілі италиялық «Карло Феличе» театрында өнер көрсетті. М.Жаррдың музыка­сына қойылған Р.Петидің «Па­риж Құдай Ана шіркеуі» бале­тін ұсынған «Астана Опе­ра» әртістерінің шеберлігіне ита­лиялық көрермен тәнті болып, ыстық ықыласын біл­дірсе, желтоқсан айында Вен­грияның Будапешт және Печ қалаларында «Астана Опера» труппасы ұсынған концерттік бағдарламалар да аншлагпен өтті.

Бұдан өзге, өнер ұжымының Қазақстан қалалары бойынша жасаған гастрольдік сапарлары да үлкен қошеметпен қабылданды. Абай атындағы Қазақ мемлекеттік академиялық опера және балет театрында елордалық труппа қазақ музыка өнерінің үздік туындысы – А.Жұбанов пен Л.Хамидидің «Абай» ұлттық классикалық операсын, сонымен қатар ХХ ғасырдың атақты хореографтары Кеннет Макмилланның «Манон» және Ролан Петидің «Париж Құдай Ана шіркеуі» балеттерін алматылық көрермен назарына ұсынса, мамыр айын­да Қарағанды қаласындағы Кеншілер мәдениет сарайында маэстро П.Грибановтың жетекшілігіндегі Қ.Байжанов атындағы концерттік бірлестіктің Симфониялық оркестрімен бірге өнер көрсеткен «Астана Опера» театрының жетекші солистері мен хоры Дж.Пуччинидің «Бо­гема» операсын орындап, көпшіліктің қошеметіне бө­ленді.

Мұның барлығы Елбасы Н.Ә.Назарбаевтың Жарлығымен бекітілген Мәдени саясат тұжы­рымдамасы мен «Рухани жаң­ғыру» бағдарламасы аясында жүзеге асып жатқан ауқымды жобалардың жемісі мен еліміздегі ең ірі әрі сәулетті театр – «Астана Опера» театры шығармашылық ұжымының орасан зор күш-жігерінің нәтижесі екені сөзсіз.     

Маусым мерейі

Мерейтойлық маусым теа­тр әртістері үшін жемісті һәм жеңісті болды. «Астана Опе­раның» жетекші солисі, көп­теген беделді халықаралық бай­қаулардың Гран-при лауреаты Бақтияр Адамжан биыл Dance Open (Санкт-Петербор, Ресей) мәртебелі халықаралық балет сыйлығының «Мистер Виртуозность» аталымы бойынша лауреат атанса, балет солисі Серік Нақысбеков «Ара­­­беск-2018» (Пермь, Ре­сей) байқауында топ жарды.

Опера солисі Айзада Капонова Ита­лияның Пезаро қаласында өткен Дж.Россинидің XV ха­лықаралық байқауында жү­делі 1-ші орын тұғырынан көрінді. Сондай-ақ белгілі балерун Бақ­тияр Адамжан мен опера труп­пасының солисі Мария Мудряк 2017 жылы Қазақстан Рес­­публикасы Үкіметінің «Да­рын» мемлекеттік жастар сый­лығының лауреаты болды.

Ал театрдың жетекші солисі Медет Шотабаев Италия мен Қазақстан арасындағы мәдени байланыс­тарды нығайтуға қосқан үлесі үшін Италия Жұлдызы Орденін кеудесіне тақты. Сонымен қатар ұжымның талантты өнерпаздары Сүндет Байғожин мен Мәдина Басбаева «Үздік опера солисі» және «Үздік балет әртісі» аталымында «Сахнагер» ұлттық сыйлығының иегері атанды.

«Астана Опера» театрының тағы бір табысы – әлемдік дең­гейдегі өнер ұжымдарымен кәсі­би деңгейде шығармашылық бай­­ланыс орнатуы дер едік. Бе­сінші маусымда жүзеге асқан сон­дай маңызды өнер оқиға­сының бірі – италиялық «Ла Скала» театры академиясымен ын­тымақтастық туралы мемо­рандумға қол қойылуы. Өнер әлеміндегі бұл маңызды қадам – отандық өнерпаздарға кәсіби біліктілігін арттырып, шығар­машылық тұрғыдан жемісті тәжірибе алмасуына, шеберлігін шыңдауына кең жол ашатын тамаша мүмкіндік екендігі сөзсіз.

Мерейтойлық маусымын осылай табысты тәмамдаған өнер ұжы­мы алдағы маусымға да жүйелі жоспар құрып, дайындық жұмыс­тарына қызу кірісіп кетті. Алтыншы театр маусымында кө­рермен қауымды ұлттық әрі әлемдік опера және балет клас­­сикасы жауһарларының тұ­сау­­­кесерлері күтеді. Атап ай­тар болсақ, Джоаккино Рос­си­нидің «Севильдік шаштараз», Петр Чайковскийдің «Ев­гений Онегин» опералары мен Тілес Қажығалиевтың «Дала аңызы» атты аяқталмаған балеті мен композитордың өзге де шы­ғар­маларының үйлесіммен біріктірілген үзінділерінен құрал­ған әйгілі «Қозы-Көрпеш – Баян-Сұлу» ұлттық балеті елорда көрер­мендерін өзінің жарқын атмос­ферасымен қуантады деп кү­тілуде.

Бес жылдық белесті абырой­лы еңсерген «Астана Опе­ра» театры ұжымының өнері кө­рер­менін әрдайым өзі­нің жаңа­шылдығымен, көркем­дігімен, жарқындығымен таңғалдырып келеді. Қай кезде де алдына ауқымды шығармашылық мақ­саттар қойып, соны жемісті жүзеге асыру жолында жүйелі жұмыс істейтін ұжымның келер маусымдағы ұсынар жаңалығы да көрермен көңіліне берік бекіп, өнер жанкүйерлеріне шын мәніндегі рухани мереке сыйлайды деп сенеміз.

Назерке ЖҰМАБАЙ,

«Егемен Қазақстан»

СОҢҒЫ ЖАҢАЛЫҚТАР

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

22.09.2018

Сенаторлар сенбілікке шықты

22.09.2018

Б.Бекназаров Әзербайжан Парламентінің 100-жылдығына арналған шараға қатысты

22.09.2018

Мұнайдың әлемдік бағасы өсті

22.09.2018

Лондонда қазақстандық өнер көрмесі ашылды

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

21.09.2018

Тұрмыстық қатты қалдықтарды өңдеу бойынша жоба әзірленді

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу