Өңірлік коммуникациялар қызметінің алаңында өткен брифингте Е.Сейтенов І жартыжылдықта жоспардан тыс жүргізілген 547 тексеріс аясында 515 жер заңнамасынан бұзушылық анықталып, жалпы сомасы 23 364 490 теңгеге айыппұл түріндегі әкімшілік шаралар қолданылғанын мәлімдеді. Оның ішінде: 58 – мемлекет меншігіндегі жерді өз еркімен басып алғандарға ҚР «Әкімшілік құқық бұзушылық туралы» Кодексінің (бұдан әрі – ӘҚБтК) 136 бабы бойынша 15 812 820 теңге; 13 – жер учаскесін нысаналы мақсатын бұза пайдаланғаны үшін 480 970 теңге; 6 – ауыл шаруашылығы мақсатындағы жерді пайдаланбағаны үшін 7 070 700 теңгеге айыппұл салынған.
Ал 279-ы нысандар құрылысы үшін берілген жер учаскелерін пайдаланбаған, оларға арнайы нұсқаулар берілген. Аталған заң бұзушылыққа әкімшілік айыппұл көзделмеген.
Сонымен қатар, Алматы қаласының соттарына жеке және заңды тұлғаларға тиесілі нысандар құрылысына беріліп, пайдаланбай жатқан 78 жер учаскесін мәжбүрлеп алып қою туралы талап арыздар берілген. І жартыжылдықта 631 жеке тұлғалардан, заңды тұлғалардан 223, 745 мемлекеттік органдардан, жалпы саны 1599 өтініш келіп түскен.
Эльвира Серікқызы,
«Егемен Қазақстан»
АЛМАТЫ
