Аймақтар • 25 Тамыз, 2018

БҚО-да шалғай елді мекендерді өрттен қорғау мақсатында 12 өрт сөндіру бекеті құрылды

263 реткөрсетілді

Батыс Қазақстан облысында шалғай елді мекендерді өрттен қорғау мақсатында 12 өрт сөндіру бекеті құрылды. Олар радиусы 20 шақырым аумақтағы 40-тан астам елдімекеннің қауіпсіздігін қамтамасыз етпек. Бұл жөнінде Батыс Қазақстан облыстық Төтенше жағдайлар департаменті бастығының орынбасары, азаматтық қорғау майоры Нұрлан Таубеков мәлімдеді.

Былтыр Батыс Қазақстан облысында дала өрті жиі шығып, 10 мың гектардай жер күлге оранған еді. Биыл жаз басталғалы 3224 га дала, 80,7 га орман өртенді дейді төтеншеліктер. Биылғы қуаңшылық, мал азығының тапшылығы жағдайында аз өрттің де зардабы мол болғалы тұр.

- 2018 жылы орман және дала өрттерінің алдын алу және жою үшін бірқатар іс-шара атқардық. Болуы мүмкін қатерді алдын ала жоспарлап, төтенше жағдайлардың алдын алу және жою жөніндегі комиссия отырысы өткізілді. Облыс аумағында ғарыштық мониторинг жүргізу үшін «Ғарыш сапары» ҰҚ АҚ-мен келісім-шарт жасадық, оған6,5 млн. теңге бөлінді. Трансшекаралық аумақтарда табиғи өрттерді жою Ресей Федерациясы Төтенше жағдайлар министрлігі шекаралық губернияларымен келісіп, бірлескен командалық-штабтық жаттығу өткізілді. Осының бәрі өзінің оң нәтижесін беріп жатыр, - дейді Нұрлан Таубеков.

Шалғай елдімекендерді өрттен қорғау бекеттері бүгінде Бөрлі ауданынының Өспен, Ақсу, Киров ауылдарында, Зеленов ауданының Үлкен шаған, Егіндібұлақ ауылдарында, сонымен қатар Теректі ауданының Аңқаты ауылында, Қазталов ауданының Болашақ ауылында, Сырым ауданының Тоғанас ауылында, Ақжайық ауданының Алғабас ауылында, Шыңғырлау ауданының Лубен ауылында, Тасқала ауданының 2-Шежін ауылында және Бөкейорда ауданының Ұялы ауылында құрылған.

Өңірде табиғи өрттің алдын-алу және сөндіру үшін қазіргі уақытта 150 ерікті өртке қарсы құралым құрылған. Ерікті құралымдар құрамында 2966 адам қызмет етеді. Оларға 9 автоцистерна, 448 басқа техника, 1701 аспалы өрт сөндіру құралы және 105 мотопомпа берілген.

Батыс Қазақстан облыстық Төтенше жағдайлар департаменті БҚО ІІД Жергілікті полиция қызметі, Батыс Қазақстан облыстық орман шаруашылығы және жануарлар дүниесі аумақтық инспекциясы қызметкерлерімен бірге орман алқаптарында, табиғи демалыс орындарында рейд жүргізіп, орманда от жаққан тәртіпбұзушыларға жалпы көлемі 265 100 теңгелік 22 хаттама толтырған екен.

Қазбек ҚҰТТЫМҰРАТҰЛЫ,

«Егемен Қазақстан»

Батыс Қазақстан

Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар