Жыл сайын Жаңа жыл қарсаңында армия генералы С.Нұрмағамбетов атындағы «Жас ұлан» республикалық мектебінде тәрбиеленушілерді мерекелік қабылдау рәсімі өткізіледі. Биыл ұландықтарды құттықтау жуырда ғана ел Президенті ашқан жаңа мектептің қабырғасында жүзеге асырылды.
Салтанатты шараны Қорғаныс министрінің бірінші орынбасары – Қорғаныс министрлігі Штабтар бастықтары комитетінің төрағасы, генерал-полковник Сәкен Жасұзақов ашты. Ол болашақ Отан қорғаушыларды келе жатқан Жаңа жыл мерекесімен құттықтап, жаңа жылда жаңа парталарда отыратындықтарын және де мұның ең тамаша сыйлық екендігін атап өтті.
– Ел Президенті – Қазақстан Республикасы Қарулы Күштерінің Жоғарғы Бас қолбасшысы Нұрсұлтан Назарбаевтың қамқорлығының арқасында әскери институттар мен мектептерде жоғары дәрежелі оқытушылар білім беруде, онда оқу-материалдық базасы мен заманауи стандарттарға сай жағдайлар жасалған, –деп атап өтті генерал-полковник Сәкен Жасұзақов.
Мектепті бітірген көптеген түлектер жоғары әскери білім алып Қазақстан армиясының сапында офицерлік қызмет атқаруда. Қорғаныс ведомствосы басшысының бірінші орынбасары бүгінде осы шараға қатысушы балалардың көпшілігі ертең-ақ алдыңғы толқын ағаларының ізін басып, халық сыйлайтын әскери қызметкер мамандығын таңдайтындықтарына сенім білдірді.
Болашақ әскери қызметкерлерге сыйлықтар тапсырылды. Салтанатты жағдайда Аяз Ата және Ақшақармен бірге олар жаңажылдық шыршаның отын жақты.
Оксана ПАРПУРА, Қорғаныс министрлігі баспасөз қызметінің қызметкері.