Кәсіпқой бокс • 02 Қазан, 2018

Кәсіпқой боксшы Әли Ахмедов 11 қазанда жұдырықтасады

311 рет
көрсетілді
1 мин
оқу үшін

Қазақстанның танымал кәсіпқой боксшысы Әли Ахмедов өзінің кезекті жекпе-жегін 11 қазанда өткізеді. 

Кәсіпқой боксшы Әли Ахмедов 11 қазанда жұдырықтасады

АҚШ-тың Калифорния штатындағы Коста-Меса қаласында өтетін жарыста жерлесіміз Йовани Хавьер Гомеспен күш сынасады. 23 жастағы мексикалық өрен осы күнге дейін 31 кездесу өткізіп, 17 мәрте жеңіске жетті. 11 бәсекені ол мерзімінен бұрын аяқтады.

Әли Ахмедов те 23 жаста. Сағатбек Мұсахановтай білікті маманнан тәлім-тәрбие алған Алматы облысының тумасы қазіргі кезде АҚШ-та Геннадий Головкиннің жеке бапкері Абель Санчестің қол астында жаттығуда. Кәсіпқой рингте ол 12 жекпе-жек өткізіп, барлығында басымдық танытты. 9 қарсыласын Әли есінен тандырды.   

Ғалым СҮЛЕЙМЕН,

«Егемен Қазақстан»