Әдебиет • 12 Қазан, 2018

Кемел Тоқаев атындағы сквер ашылды

419 реткөрсетілді

Үштөбе қаласында белгілі қаламгер, қазақ әдебиетіндегі детектив жанрының негізін қалаған жазушы Кемел Тоқаев атындағы сквер ашылды. Абаттандырылған алаңқай жазушының туғанына 95 жыл толуына орай қолданысқа берілді.

Қаратал ауданының орталығы – Үштөбе қаласындағы жаңа сквердің жалпы алаңы 1,4 гектар аумақты алып жатыр. Аумақты гүлдендіріп, көз тартатын көркем алаңға айналдыру үшін алматылық Ж.Жанекенов атындағы жобалау институы мен «Анкор-2005» жауапкершілігі шектеулі серіктестігі талмай ізденіпті. Саябаққа қылқан жапырақты, декоративті ағаштар мен гүлді бұталар отырғызылып, гүлзарлармен көмкерілген. Адамдардың тыныстауы үшін қолайлы жағдай жасалып, орындықтар қойылған. Жаяу жүргіншілер жолы төселген, жарық шамдары орнатылған. Спорттық және балалар ойын алаңдары бар. Сквер ішіндегі ең құнды алаң  Кемел Тоқаев мемориалы болса керек. Бұл – соғыс ардагері, қоғам қайраткері, әдебиет алыбына қойылған лайықты ескерткіш.

Сквердің ашылуына арнайы келген облыс әкімі Амандық Баталов үштөбеліктерді саялы демалыс орының ашылуы мен және Қаратал ауданының құрылғанына 90 жыл толуымен құттықтады.

- Бүгін көрнекті жазушы-журналист Кемел Тоқаевтың 90 жылдығына орай жаңа сквер ашылды. «Өз елі өз ерлерін ескермесе, ел тегі қайдан алсын кемеңгерді», деп Ілияс ақын жырлағандай, өңірімізде топырағында туып-өскен дарынды азаматтардың есімін ардақтау – ортақ парызымыз. Пайдалануға беріліп отырған жаңа сквер көпшілікті бүгінгі ауданның 90 жылдық мерейтойымен бірге қуантып отыр. 1,4 гектар жерді алып жатқан демалыс орнында балалар алаңы мен спорт алаңы да қарастырылған. Сондықтан бұл сквер қараталдықтардың сүйікті демалыс орындарының біріне айналады деп сенемін, - деді аймақ басшысы өз сөзінде.

Қалмаханбет МҰҚАМЕТҚАЛИ,

«Егемен Қазақстан»

Алматы облысы

Соңғы жаңалықтар

Абай дүкені – Бельгияда

Руханият • Кеше

Ең қысқа әңгіме. Риза Исаева

Ең қысқа әңгіме • Кеше

Ең қысқа әңгіме. Дәурен Дариябек

Ең қысқа әңгіме • Кеше

Ең қысқа әңгіме. Назерке Саниязова

Ең қысқа әңгіме • Кеше

Ең қысқа әңгіме. Ақылбек Шаяхмет

Ең қысқа әңгіме • Кеше

Ең қысқа әңгіме. Еркеғали Бейсенов

Ең қысқа әңгіме • Кеше

Ең қысқа әңгіме. Көгедай Шәмерхан

Ең қысқа әңгіме • Кеше

Ең қысқа әңгіме. Жасұлан Серік

Ең қысқа әңгіме • Кеше

Ең қысқа әңгіме. Ақжол Қалшабек

Ең қысқа әңгіме • Кеше

Ең қысқа әңгіме. Нұрбек Нұржанұлы

Ең қысқа әңгіме • Кеше

Күлкі керуені № 7

Руханият • Кеше

Жақсы дәстүр жалғасады

Руханият • Кеше

Игілікті еңбек иесі

Қоғам • Кеше

Кедергісіз келешек

Қоғам • Кеше

Ұқсас жаңалықтар