Үкімет • 17 Қазан, 2018

Халықтың әл-ауқатын арттыру басты назарда

58 реткөрсетілді

Парламент Сенатының депутаттары Дәурен Әділбеков пен Рашит Әкімов Ақмола облысына жұмыс сапары барысында Астрахан ауданындағы №6 агротехникалық колледждің оқытушылары мен өндірістік оқыту шеберлерімен кездесті, деп хабарласты Қазақстан Республикасы  Парламенті Сенатының баспасөз қызметі.

Елбасының «Қазақстандықтардың әл-ауқатының өсуі: Табыс пен тұрмыс сапасын арттыру» Жолдауының негізгі бағыттарын түсіндіру кездесудің басты мақсаты болды.

Сенатор Д.Әділбеков Жолдаудағы әлеуметтік салаға арналған тарауларына кеңінен тоқталып, білім беру мен денсаулық сақтау саласындағы жаңа бағдарламаларды біртіндеп енгізу, шағын және орта бизнеске салынатын салық жүктемесін азайту туралы әңгімеледі. Халықтың әл-ауқатын арттыруға бағытталған азаматтардың жалақысын көтеру және осы бағдардағы басқа да мәселелер қызу талқыланды.

Рашит Әкімов Елбасының Жолдауын жүзеге асыру мақсатында еліміздің ауыл шаруашылығын дамыту мәселесіне тоқталды. Бұл орайда, өнім сапасы мен өнімділігін арттыру, астық пен еттің экспорты және оларды қайта өңдеуге бағытталған субсидияларға басымдық берілетін болады. Р.Әкімовтің пікірінше, экономика мен ауыл шаруашылығының барлық салаларына жаңа технологияларды енгізу арқылы еңбек өнімділігі артады.

Колледж директоры Қанат Сүйіндіков депутаттарға оқу сыныптары мен өндірістік шеберханаларды, материалдық-техникалық базаны көрсетіп, түлектерді жұмысқа орналастырудың жағдайы туралы айтып берді.

Кездесуге Астрахан ауданының әкімі Нұрлан Сейілов пен мәслихат хатшысы Мирам Қожахмет қатысты.

Баннер
Соңғы жаңалықтар

БАЛКОНЫМДА ҒАНА АҚЫНМЫН...

Әдебиет • Бүгін, 11:51

Екі қыр (әңгіме)

Әдебиет • Бүгін, 11:08

Ұқсас жаңалықтар