Ауыл • 18 Қазан, 2018

Өңір экономикасына серпін қосар үш жоба

147 реткөрсетілді

Қостанай облысында Қытай бизнесмендерімен бірлескен үш инвестициялық жоба жүзеге асырылады. Теледидар шығаратын зауыт (НКС Corporation Limited), YTO маркалы трактор­ құрастыратын өндіріс құру (YTO Group Corporation), ауыл шаруашылығы өнімін тереңдете өңдейтін заманауи кешен («BioQrain» ЖШС) құрылысы басталатын уақыт та алыс емес. 

Үкімет делегациясының құра­мында Қытайға барған облыс әкімінің орынбасары Мейір­жан Мырзалиев Қостанай қа­ласындағы Индустриялық ай­мақта теледидар шығаратын зауыт­тың биыл басталатын құ­ры­лысының Жол картасына қол қойды. Жақында трактор, ауыл шаруашылығы, құрылыс техникаларын шығаратын Қы­тайдағы, тіпті жалпы әлемдегі ең ірі өндірістің бірі YTO Group Corporation компаниясының делегациясы Қостанайға келіп кет­ті. Компанияның директорлар­ кеңесінің төрағасы Чжао Ишуи қостанайлықтармен ынты­мақ­тастық орнатуға, оның ішінде трактор өндірісін дамытуға ын­та­лы екенін білдірді. Айта ке­тейік, Қытай жағы осы жобаға жос­­­п­ар­лаған инвестициялық қар­жының алғашқы сатысындағы көлемі 25 миллион долларды құ­райды. 

Қостанай облысының инвес­ти­­ция­лық әлеуетіне Қытай да, Ре­сей де қызығушылық танытып отыр. Шығыстағы көршіміздің машина шығаратын Sinotruk, Hanteng automobile Co., Ltd., SANY Group компаниялары және Ресейдің «Красногвардейский ма­­шино­строительный завод» АҚ, «Сибеко» ААҚ Қостанай қаласындағы Индустриялық аймаққа өндірісін орналастыруға ынталы. Алдымен Индустриялық аймаққа ауылшаруашылық техникаларын өндіретін «Композит Групп» трансұлттық холдингі келіп үлгерді. Оның өнімі экс­портқа ТМД елдеріне артылады. 

Ауыл шаруашылығы өнім­дерін жеткізе өңдейтін заманауи кешенді қазақстандық «BioQrain» жауапкершілігі шек­теулі серіктестігі қытайлық ин­­вес­­торлармен бірігіп салатын болады. Қытайлық инвес­тиция арқылы жүзеге асатын бұл үшінші жобаға құйылатын қаржының көлемі 300 миллион АҚШ долларын құрайды. Кешеннің құрылысы келесі жылы басталады. Қостанайда жүзеге асатын осы үш жоба да «Бір белдеу – бір жол» және «Нұрлы жол» бағдарламалары қолдау көрсететін Қазақстан-Қытай ин­ве­с­­тициялық жобалардың тізіміне кіреді.

– Ірі үш жоба да өңір эко­номи­касына серпін беретін бо­лады. Әрине құрылған әр кәсіп­орыннан қостанайлықтар өзінің жұмыс орнын табады. Олар өндірген өнімнің барлығы да өңір­дің, еліміздің экспорттық әле­уетін кеңейте түседі, – дейді облыс әкімінің орынбасары М.Мырзалиев. 

Осындай ірі инвестициялық жобалар арқылы Қостанай өңірі экономикасының әртараптылығы да арта түсуде. 

Нәзира ЖӘРІМБЕТ,

«Егемен Қазақстан»

ҚОСТАНАЙ

Соңғы жаңалықтар

Ең қысқа әңгіме. Омарбек Нұрдәулет

Ең қысқа әңгіме • Кеше

Күлкі керуені № 6

Руханият • Кеше

Ең қысқа әңгіме. Айбек Ережеп

Ең қысқа әңгіме • Кеше

Ең қысқа әңгіме. Әсел Асқарқызы

Ең қысқа әңгіме • Кеше

Ең қысқа әңгіме. Еділ Анықбай

Ең қысқа әңгіме • Кеше

Ең қысқа әңгіме. Сайлау Төлеу

Ең қысқа әңгіме • Кеше

Ең қысқа әңгіме. Ербол Бораншы

Ең қысқа әңгіме • Кеше

Ең қысқа әңгіме. Нұрлан Қабдай

Ең қысқа әңгіме • Кеше

Дәуір белесінің авторы

Әдебиет • Кеше

Мінез жұмбақтығы

Әдебиет • Кеше

Әуезовтің жалғасы

Әдебиет • Кеше

Ғасыр эпопеясы

Руханият • Кеше

Өрісі кең, өрелі

Руханият • Кеше

Хат қоржын (22.10.2019)

Руханият • Кеше

Ұқсас жаңалықтар