Жолдауды іске асыру құқықтық тұрғыдан қамтамасыз етіледі

Нұротандықтар Елбасы Жолдауын жүзеге асыруды құқықтық қамтамасыз ету жұмыстарына белсене кірісіп кетті. Нақты айтқанда, «Нұр Отан» партиясы Парламент Мәжілісіндегі фракциясы арқылы нормативтік-құқықтық актілерге тиісті өзгертулер мен толықтырулар енгізуді жоспарлап отыр.  

Егемен Қазақстан
18.10.2018 1117
2

Соның нәтижесінде Мем­лекет басшысының тапсырмаларын тиімді орындауға жағдай жасалмақ. Осыған орай кеше партияның Орталық аппаратында Құқықтық кеңестің кезекті кеңейтілген отырысы өтті. Онда қатысушылар еліміздегі тұр­­ғын үй-коммуналдық шаруа­шы­лы­ғын реформалауға қа­тыс­ты өзек­ті мәселелерді талқы­ла­ды. Жиынға «Нұр Отан» пар­тия­­сы Төрағасының бірінші орын­­басары Мәулен Әшімбаев қатысты.

Елбасы Жолдауда экономикада бәсекелестікті дамыту және тұрғын үй-коммуналдық шаруашылығы мен табиғи монополиялардың қызметі үшін белгіленетін тарифтер саласында тәртіп орнату мақсатында батыл шаралар қабылдау керектігін нақты тапсырған болатын. Бұл орайда Мемлекет басшысы коммуналдық қыз­мет пен табиғи монополиялар­ды реттеу салаларында та­риф­тің жасалуының және тұ­ты­ну­шылардан жиналған қар­жы­ның жұмсалуының әлі күнге дейін ашық емест­ігіне, монополистердің инвести­ция­лық міндеттемелеріне тиімді мониторинг пен бақылау жүр­гізілмей отырғанына ерекше назар аударды. Осыған байланысты Президент Үкіметке 3 ай мерзім ішінде осы мәселемен айналысып, бәсекелестікті қор­ғау функциясын елеулі түрде күшейте отырып, монополияға қарсы ведомствоның жұмысын реформалауды тапсырды.

Жолдауда қарастырылған барлық шаралардың жүзеге асы­рылуын заңнамалық тұр­ғы­да қамтамасыз ету үшін пар­тия өкілдері «Қазақстан Республикасының тұрғын үй-коммуналдық шаруашылық мәселелері жөніндегі кейбір заңнамалық актілеріне өзгер­ту­лер мен толықтырулар енгі­зу туралы» заң жобасын тал­қылады. Бұл жайттың қазақ­стан­дықтарды көптен бері тол­ған­дырып жүрген өзекті мә­селелердің бірі екені белгілі.

«Нұр Отан» партиясының Стратегиялық зерттеулер инс­титутының деректеріне сү­йен­сек, қазақстандықтардың 36 пайыздан астамы пәтер иелері кооперативінің қызметіне кө­ңілдері толмайды. Бұл ретте халық қызмет көрсетуші ком­­пания әрекеттерінің ашық еместігін және түскен қаржы­ның қайда жұмсалғанын бақы­лай­тын тетіктің жоқтығына нара­зылықтарын білдірген.

Осы мәселелердің барлығы Құқықтық кеңес отырысында кеңінен талқыланды. Жиынды ашқан «Нұр Отан» партиясы Төрағасының Бірінші орынбасары тұрғын үй құрылысы қарқынды жүргізілгенімен, ТҮКШ саласында шешімін тап­паған мәселелер сол күйінде қалып отырғанын айтты. Соның ішінде коммуналдық қызмет тарифтерінің ашық болмауы мен негізсіздігіне және көппәтерлі тұрғын үйлерді басқаратын компаниялардың қызмет сапасына қатысты мәселелерге ерекше назар аударды.

Сонымен қатар жиында Елбасы тапсырмаларын са­па­лы орындап, халықтың көп­тен күткен мәселесін оңтай­лы шешу үшін тұрғын үй-комму­налдық қатынастарын жаң­ғыр­татын жүйелі негіз қалып­тас­­тыру керектігі айтылды. Одан бөлек, тұрғын үй-ком­му­налдық шаруашылығын ре­формалаудағы басты міндет көп­пәтерлі тұрғын үйлерді басқару қызметінің жоғары сапасына қол жеткізу екендігі де сөз болды. Осыған орай қатысушылар енгізіліп отырған заң жобасы тұрғын үй-коммуналдық шаруашылығының барлық саласын реформалау және жаңғыртудың заңнамалық негізі ретінде қарастырылуы керектігіне баса мән берді. Сол себепті де партия өкілдері заң жобасын бүкілхалықтық және жан-жақты талқылауды қолдап, барша азаматтар мен үкіметтік емес ұйымдарды осы үдеріске белсенді қатысуға шақырды.

– Тұрғын үй-коммуналдық шаруашылығын реттейтін заң жобасы Мәжілістің қарауында. Бұл ретте біздің басты міндет­те­ріміздің бірі – аталған заң жо­басын тиянақты сараптап, оның халық күткен мәселелерді шешуге және еліміздің тұрғын үй қорын тиімді басқаруға әсер етуін қамтамасыз ету. Сондай-ақ осы салада тиімді мониторинг жүргізіп, монополистер мен пәтер иелері кооперативінің жұмысын анықтау да біздің басты міндетіміз. Партия осы бағытта қоғамдық бірлестіктермен және үкіметтік емес ұйымдармен күш біріктіріп, жүйелі бақылау жүргізуге дайын. Сондықтан бү­гінгі басқосуымызды сол ауқым­ды жұмыстың бастамасы деп те қабылдаймыз, – деді М.Әшімбаев.

Нұротандықтар ұсынған тү­зетулер кондоминиум объек­тілерін басқару мен оларға қызмет көрсету және оның ор­ындалу тәртібін реттеуге бағытталған. Яғни, онда меншік иелерінің қатысуымен және бұл жұмыстарға жергілікті атқарушы органдардың тұрғын үй инспекциясын жұмылдыру арқылы ортақ мүлікті күрделі жөндеуге қаражат жинақтау үдерістері көрсетілген. Жаңар­тылған заң жобасында тұр­ғын үй-коммуналдық ша­руа­шылығының бірыңғай мем­ле­кеттік ақпараттық жүйе­сін құру мүмкіндігі де қарас­ты­рыл­ғанын атап өткен жөн. Дайын­далған нормативтік-құқық­тық актілер халықтың тұрғын үй құрылыс компанияла­рына қосылуы арқылы баспана­лы болу тетіктерінің ашық­тығын арттыруға, сондай-ақ қолда­ныстағы заңнамалық кемші­лік­терді жоюға бағытталған.

Жалпы, аталған түзетулер тұрғын үй-коммуналдық ша­руашылығы жүйесін реформалау үшін бірнеше мәселені қатар шешуге бағытталған. 

Айта кетейік, жиынға Пар­ламент депутаттары, «Нұр Отан» партиясы жанындағы Құ­қы­қтық кеңестің мүшелері, мем­ле­кеттік органдар мен үкі­меттік емес ұйымдардың бас­шы­лығы және олардың өңір­лердегі өкілдері қатысты. Ал Құқықтық кеңестің отырысы нәтижесінде дайындалған тиісті ұсыныстар алдағы уақытта жа­уапты мемлекеттік органдар мен басқа да мүдделі ұйымдарға жолданады.

Жақсыбай САМРАТ,

«Егемен Қазақстан»

СОҢҒЫ ЖАҢАЛЫҚТАР

19.02.2019

Салық төлеушілердің 20 миллион теңге өсімпұлы кешірілді

19.02.2019

Сенаторлар мемлекеттік-жекешелік әріптестік жобаларын іске асыру мәселелерін талқылады

19.02.2019

56 ауылды елді мекен сапалы интернетпен қамтылды

19.02.2019

«Сергек» жобасы жол-көлік оқиғаларының санын 15%-ға төмендетті

19.02.2019

Астанада шахматтан Әлем чемпионаты өтеді

19.02.2019

Халық сауалы жауапсыз қалмайды

19.02.2019

Қызылордада алаяқтар азаймай тұр

19.02.2019

Астана әкімдігінде тұрғын үй кезегінде тұрған азаматтар санының өсу себептері түсіндірілді

19.02.2019

Жеке клиникалардың белсенділігі жоғары

19.02.2019

«Алтын жауынгер» анимациялық фильмі жарыққа шығады

19.02.2019

Оразалы Досбосынов атындағы аудитория ашылды

19.02.2019

Шетелмен әріптестік нығайып келеді

19.02.2019

«Смарт-Астана» қосымшасының жаңа сервистеріне қатысты мәселелер талқыланды

19.02.2019

Дәурен Сүйеукенов: дзюдодан Еуропа кубогінде ел чемпионатындағы есемді қайтардым

19.02.2019

Әлия Юсупова Гран-при кезеңі мен Будапешттегі халықаралық турнирді қорытындылады

19.02.2019

Ішкі істер министрі Е. Тұрғымбаев батыр баламен кездесті

19.02.2019

Жер жаһанды шарлаған Мағжан

19.02.2019

Қарағандыда 24 000 жер үйге газ құбыры тартылады

19.02.2019

Абылайхан Жүсіпов Софиядағы турнирдің күміс жүлдегері атанды

19.02.2019

Елбасы «Лукойл» мұнай компаниясының президентімен кездесті

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

ҰҚСАС ЖАҢАЛЫҚТАР

Тағы да оқу

Пікір қосу