Депутаттар «Студенттерге қызмет көрсету орталығын», интерактивті жабдықтары бар дәрісханалар мен сот отырысы залын, қылмыстық полигонды аралады және кабинеттердің техникалық жабдықталуымен, студенттердің жатақханамен қамтамасыз етілуімен танысты.
Сенатор В.Волков Мемлекет басшысының Жолдауында білім сапасына басымдық берілгенін атап өтті. «Түлектердің жұмыспен қамтылуы жоғары оқу орындарының білім сапасының көрсеткіші болмақ. Сұранысы төмен мамандықтар біртіндеп азаяды», деді ол.
Сенатор Н.Нұрсипатов азаматтың рөлі мен Жолдаудың әлеуметтік бағдары туралы ойын ортаға салды. Сондай-ақ депутат қазақстандық жастар үшін көптеген бағдарламалардың жүзеге асырылып отырғанын және жоғары оқу орындары мен колледж түлектеріне берілетін жаңа мүмкіндіктер туралы айтып өтті.
Майгүл СҰЛТАН,
«Егемен Қазақстан»
АСТАНА