Серіктестік серпінді дами береді

Елбасы Нұрсұлтан Назарбаев Бельгияға сапары аясында ел Королі Филиппен кездесті. Сондай-ақ Еуропаның іскер топтар өкілдерімен жиын өткізді.

Егемен Қазақстан
19.10.2018 1553
2

Бельгия Королімен әңгіме барысында Мемлекет басшысы екі ел ара­сын­­дағы саяси, эко­но­микалық және мә­дени-гума­ни­тарлық сала­лар­дағы ын­тыма­қтастығының қазір­гі жағдайы мен перспектива­ларын, сондай-ақ халық­аралық күн тәртібіндегі өзекті мәсе­лелер­ді талқылады.

Н.Назарбаев Қазақстан мен Бельгия­ны әуелден өзара түсі­ністік пен құрметке негізделген достық қарым-қатынастар байланыстыратынын атап өтті.

Әріптестіктің аясы кең

Бұдан кейін Мемлекет басшысы Еуро­паның іскер топтар өкіл­дерімен кездесіп, маңызды мәсе­ле­лерді талқы­ла­ды. Сондай-ақ елі­міз­де шетелдік инвес­тор­ларға қолай­лы жағдай жасал­ғанын жеткізді.

Іс-шараға модераторлық еткен «То­таль» қайырымдылық қорының төрағасы, Қазақстан – Франция іскерлік кеңесінің тең төрағасы Ив-Луи Даррикаррер Ел­басы Н.Назарбаевқа Еуропа­да­ғы кәсіп­керлердің басын қосып, жиын өткізгені үшін алғысын жеткізді. 

«Құрметті Президент мырза. Уақыт тауып бізбен кездесу­ге мүмкіндік тап­қаныңыз үшін жиынға қатысып отыр­ған кәсіп­керлердің бәрі Сізге алғысын ай­тады. Қазіргі таңда Қазақстан мен Еу­ро­палық одақ арасындағы дип­лома­тия­лық байланыстың ор­науына 25 жыл толғанын атап өтіп отырмыз», деген И.Дарри­каррер осы 25 санының символи­калық мәнге ие екенін атап өтті. 

Мәселен, іс-шараға 25 ком­па­ния­ның өкілдері келіпті. Олардың бәрі Қазақ­стан­ға 20 миллиард доллардан астам инвестиция құйған екен. 

«Жиынға қатысып отырған компа­ния­лардың басым бөлігі Қазақ­станда белсенді жұмыс атқар­ды. Қалғандары үлкен жоба­ларын ұсынып отыр. Ком­пания­лар­дың бәрі Қазақстандағы жұ­мы­­сын жал­ғастыруға, белсен­ділігін арт­­тыруға мүдделі», деді И.Даррикаррер. 

Бұдан кейін сөз алған Елбасы Еуропа елдері Қазақстанның сау­да-экономика және инвестиция салаларындағы маңыз­ды серік­тестері саналатынын атап өтті.

«Тәуелсіздік жылдары Қазақ­станға Еуропадан 180 миллиард АҚШ долларынан астам тікелей инвестиция тартылды. Біз Еуропа Қайта Құру және даму банкімен тығыз ынтымақтастық ор­наттық. Осы жылдар ішінде бұл банк жалпы құны 7 миллиард еуродан асатын жобалар­ды қар­жыландырды», деді Президент.

Сондай-ақ соңғы жылдары Еуропа елдерімен тауар айналымы тұрақты түрде өсіп келе жат­қанын айтып, Қазақ­станда Еуро­па капиталының қатысуымен түр­лі салаларда 3 мыңға жуық кәсіп­орын жұмыс істейтінін атап өтті.

«Біздің серіктестеріміздің қатарында «Альстом», «Линде Груп», «Эр Ликид», «Данон», «Викат», «Хайдельбергцемент» сияқты ірі компаниялар бар. Бұлар жемісті жұмыс жүргізіп, заманауи өнді­рістер құруда, сондай-ақ жаңа жұмыс орындарын ашып, табыс тауып отыр», деді Н.Назарбаев.

Инвесторларға жасалған қолайлы жағдай

Мемлекет басшысы Еуропа өнім­­­дерінің тұтыну нарығын ке­ңей­ту аясында бизнесмендерге елі­­міз­дің географиялық жағ­дайы­ның ар­тық­шылықтары туралы айтты.

«Қазақстан арқылы Қытай мен Азия­ның басқа елдерін Ресей, Кас­пий теңізі және Қара теңіз, сон­дай-ақ Иран мен Түркия арқылы Еуро­­па­мен бай­­ланыс­­ты­ратын 5 те­мір жол және 6 автомобиль жолы өте­ді. Енді Қа­зақ­стан арқылы Қы­тай­дан Еуро­паға және кері қарай жө­нел­ті­ле­тін жүк тасымалы теңіз жолына қа­ра­ған­да 4 есе қысқарады», деді Президент.

Бұдан кейін еліміздегі инвес­тициялық ахуалды жақсарту және бизнес жүргізу үшін қолайлы жағ­дай­лар туғызу мәсе­лелеріне ерекше тоқталды.

«Қазақстан Экономикалық ынты­мақ­тастық және даму ұйымы­ның Инвес­ти­циялар жөніндегі комитетінің қауым­дастырылған мүшесі саналады және Ха­лықара­лық инвестиция­лар жөнін­де­гі декларацияға қосыл­ды. Біздің елі­міз­де Прези­дент жанындағы Шетел инвес­тор­­ларының кеңесі жұмыс істейді. Оған мүше болып отырған 33 шетелдік компанияның 13-і – Еуропа өкілдері. Бізде 66 елдің, соның ішінде Еуропаның 33 елінің азаматтары үшін визасыз режім енгізілді», деді Елбасы.

Мемлекет басшысы экономика саласын цифрландыру мен ин­новациялық экожүйені дамы­ту­дың маңыздылығын атап өтіп, «Цифрлық Қазақстан» мем­ле­кет­тік бағдарламасын іске асыру мәселелеріне назар аударды.

«Біздің елде Назарбаев Уни­вер­­с­итет және Инновация­лық технологиялар паркі сияқты инновациялық кластерлер жұмыс істеуде. Биыл Астанада ІТ-стар­таптардың жаңа «Астана Хаб» ха­лықаралық технопаркі іске қосы­ла­ды. Оны әлемнің ІТ-кәсіпкерлері мен инвесторларын тартатын тұтас ин­фра­құ­рылымға айналдыру көзделіп отыр. Технопарк жұмысына қатысушылар жеңіл­детілген виза мен еңбек режімдерін пай­­да­лана алады, сондай-ақ оларға салық же­ңілдіктері де ұсы­нылады», деді Н.Назарбаев.

Ынтымақтастықты тереңдетуге шақырды

Сонымен қатар Қазақстан­ның ірі ком­панияларының ІРО-ға шығуы және мемлекет-жеке­меншік серіктестік аясында ын­тымақтасуы тұрғысынан еуро­палық инвесторлар әлеуетінің маңызды екенін айтты.

Елбасы агроөнеркәсіп кеше­нін да­мы­­тудың мемлекет­тік бағ­­дар­­ламасы ая­сында ауыл­шаруа­­шылық тауарларын өн­діру­­шілерге қолдау көрсетіле­тінін атап өтті. Жаңа технологияларды енгізу ар­қылы өнімділікті арттыру және ауыл­шаруашылық өнімдерін келешекте экспортқа шығару мақсатымен қайта өңдеу бұл саланың негізгі басымдығы болып саналатынын жеткізді.

«Біз туризмді өркендетуге зор мән береміз. Бізде Турис­тік саланы дамыту тұжы­рым­да­масы жүзеге асырылады. Қазақстанның алуан түрлі ландшафты, бай мәдениеті мен тарихы және осы сала­дағы еуропалық компания­лардың мол тәжірибесі өзара пайдалы болар еді деп ойлаймын», деді Президент.

Сондай-ақ Н.Назарбаев жиын­ға қатысушыларға ЭКСПО көрмесінің инфрақұ­ры­лымы база­сында жұмыс іс­тей­тін және елі­міздегі әрі өңірдегі «жасыл» жо­ба­ларды жүзеге асы­руға сеп­тігін ти­гізе­тін «Жасыл» тех­нология­лар мен ин­вести­ция­лық жобаларды дамыту жө­нін­дегі халықаралық орталықты таныс­тырды. 

«Елордада «Астана» халық­ара­лық қаржы орталығы жұмы­сын бастады. Оның құқық­тық мәр­тебесі консти­туция­лық заң­мен бекітілген, ал жұмыс тілі – ағыл­шын тілі. Бұл қаржы орта­лы­ғының жұмысына қатысу­шыларға 50 жыл­ға дейін салықтық жеңілдіктер қарас­­ты­рылған, сондай-ақ олар үшін жеңіл­де­тілген валю­та­лық, визалық және ең­бек режім­дері көзделген. Бұл – қыз­ме­ті ағылшын құқығына негізделген өңір­дегі бірден-бір орталық. Сіздердің ком­пания­ларыңыз­ды осы қаржы орталы­ғының жұмысына атсалысуға шақы­ра­мын», деді Елбасы.

Қазақстанға қызығушылық зор

Осыдан кейін сөз алған «Дойче Банктың» орталық және шығыс Еуропа елдері бойынша кеңесшісі Питер Тильс Қазақстанмен ынтымақ­тастықтың тамыры тереңге кет­кеніне тоқталды.

«Қазақстан – Орталық Азия­дағы тұрақ­ты­лықты қам­та­масыз етуші мемле­кет екені бел­гілі. «Бір белдеу – бір жол» бағ­дар­ламасы өңірдегі инф­ра­­құ­ры­лымды дамытуға жағ­дай жасады. Астанада ашыл­ған Халықаралық қаржы орталы­ғы инвестиция тартуға, әлем ел­дерімен ынтымақтастықты ны­ғай­та түсуге көмектеседі. Сон­дай-ақ ор­талықтың ашылуы Еуропа мен Қазақ­стан ара­сын­дағы серіктестіктің бола­шағы кең екенін анық көрсетеді», деді П.Тильс. 

Ал «Қашаған» кен орнының 16,81 пайызын иеленетін Royal Dutch Shell компаниясының бар­лау және өндіру бойынша жетек­шісі Эндрю Браун Қашаған мұ­най кенішінің жұмысы белсенді жүргізіліп жатқанын атап өтіп, туындаған мәселелердің бәрі шешімін тапқанын жеткізді. 

Сонымен қатар алдағы уақытта осы бағыттағы жұмыс жалғаса беретінін айтты. «Шелл компаниясы Қазақ еліне әлі де миллиардтаған доллар инвестиция құюды жоспарлап отыр. Өйткені Қазақстанда инвесторларға қолайлы жағдай жасалған», деді Э.Браун. 

Бұдан кейін бірқатар еуропалық компаниялардың өкілдері сөз алып, атқарылып жатқан жұмыстың жемісті екенін жеткізді. Сондай-ақ Қазақстанда кәсібін жалғастыруға ынта танытты. 

Жиын барысында Елбасы туындаған сұрақтарға жауап беріп, Қазақстанда шетелдік инвесторларға тең құқық бері­летінін атап көрсетті. Сондай-ақ кез келген мәселені талқылап, шешімін табуға Қазақстан тарапы әзір екенін мәлімдеді. 

Соңында Мемлекет басшысы бұл кез­де­су­дің елдеріміз ара­сындағы өзара тиім­ді серік­тестікті одан әрі нығай­та түсеті­ніне сенім білдіріп, қатысу­шы­лар­дың бәріне табыс пен бақ-береке тіледі.

Бұдан кейін Мемлекет бас­шысы Халықаралық сауда ор­талығы ассоциациясы бас­қарма төр­а­ға­сының орынбасары Рольф Драакпен және Nest Investments HOLDINGS ком­па­ниясының корпоративті қыз­мет­тер жөніндегі директоры Мехрат Эф­те­хармен келіссөздер жүргізді.

Кездесу барысында «Астана» ха­лық­ара­лық қаржы орталығы мен Ассо­циация арасындағы әріптестіктің даму бағыттары талқыланды. Әсіресе, әлемдегі алпауыт корпорациялар мен қаржы институттарын Қазақ­станға әкелу, халықаралық іс­кер тобы орталығы ретінде елі­міз­дің рөлін арттыру және ЭКСПО-2017 халықаралық көрмесінің кешендерін пайдалану мәселелері сөз болды. 

Абай АСАНКЕЛДІҰЛЫ,

«Егемен Қазақстан» –  Брюссель (Бельгия)

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу