Облыстық ішкі істер департаменті Жедел жоспарлау басқармасының бастығы Павел Баксараевтың айтуынша, «102» номеріне қостанайлықтардан күніне 500 қоңырау түседі. Адамдардың амандығы мен қылмыскерлерді тез құрықтау полицейдің ақпаратты тез қабылдап, кешенді шаралар қабылдауына тікелей байланысты.
«Полицей телефонның ар жағынан айтылған ақпаратты 5 минуттың ішінде алуы тиіс.Сондықтан полицей сөзді орнымен қолдануын, болған оқиға туралы нені сұрауын білуі, телефон шалған адамды жұбатып және қылмысты алдын алуы тиіс. Сондықтан біз бірінші рет әдістемелік ұсыным жасау үшін тәжірибелі психологтарға жүгіндік» дейді Павел Баксараев.
Облыста өте тәжірибелі психологтардың өзі полицейлермен бірінші рет жұмыс істеді.
«Телефондағы әңгіменің анық жасалған алгоритмі полицейдің оқиға туралы ақпаратты тез, жедел алуына және олардың асып-саспай, сабырлылық танытуына оң ықпал етеді» дейді «102» операторларының семинарға қатысқан кураторы Гүлдана Қабдырахметова.
Нәзира Жәрімбет,
«Егемен Қазақстан»
Қостанай
