Аймақтар • 29 Қазан, 2018

Біріккен Ұлттар Ұйымының Алматыдағы үйі ашылды

363 рет
көрсетілді
2 мин
оқу үшін

Алматыда Біріккен Ұлттар Ұйымының үйі ашылды. Мегаполистегі Ботаника бағы мен «Атакент» көрме орталығына және негізгі магистральдарға жақын орын тепкен сәулетті ғимараттың ашылу рәсіміне елшілік корпустарының және БҰҰ-ның 14 өңірлік офисінің өкілдері қатысты.

Біріккен Ұлттар Ұйымының Алматыдағы үйі ашылды

Жаңа нысан беделді ұйым­ның жоғары халықаралық стан­дарт­тарына және қауіпсіздік талаптарына сай жабдықталған. Мұнда БҰҰ-ның агенттіктері мен әкімшілік өкілдері жұмыс істейтін болады. Кеңсенің ашылу рәсіміне арнайы келген ЮНИСЕФ-тің Еуропа және Орта­лық Азия елдері бойынша өңірлік директоры Афшан Хан Ал­матыдағы жаңа офистің өңір­лік өкілдіктер қызметіне тың серпіліс беретінін және Қазақ­станның өркендеуіне зор үлес қосатынын, ал Қазақ­стан­ның БҰҰ-ның одан әрі дамуы­на барынша ықпал ететінін атап өтті. 

– Өз кезегінде БҰҰ Бас хат­шысының атынан Қазақстанға, Сыртқы істер министрлігіне, қала әкім­шілігіне осындай игі шара­лар­ды жүзеге асырғандары және бар­лық өңірлерде тұрақты даму­ды мақсат еткендері үшін алғыс ай­тамын. Бұл жаңа офис ха­лық­­ара­лық ұйымдармен ғана емес, соны­мен қатар елдің да­рын­ды жас­тарымен ынты­мақ­тас­тық­ты одан әрі нығайтуға жаңа мүм­­кін­діктер береді, – деді Афшан Хан.

Бұған дейін шаһарда іске қосылған «Қала адамдар үшін» концепциясы аясында қоғам­дық кеңістік модернизация­лануда, әсі­ресе мүмкіндігі шек­теулі жан­­дарға барлық жағдай жасал­ған. БҰҰ-ның Даму бағдар­лама­сына сай «Тұрақ­­ты көлік» жоба­сы да жүйе­лі жүзе­ге асып келе­ді. Мем­лекет бас­­шы­сы­ның инс­­титут­тық ре­фор­­ма­лары­­ның арқа­сын­да тұрақ­ты эконо­ми­ка­лық өсім қам­тамасыз етілген. Ал­маты­да 29 консулдық пен сау­да өкіл­дігі бар, сонымен қатар ірі транс­ұлттық компа­ния­­лар­­дың 60-тан астам кеңсе­лері орналасқан.

Алматының тұрақты даму қағида­сын ұстанатынын тілге тиек еткен қала әкімі Бауыр­жан Байбек: «Қазақстан – бейбіт­шілікті сүйетін әрі қауіпсіз ел. Біз қаланы халықаралық ұйым­дардың өңірлік хабына айнал­дыру үшін жүйелі жұмыс­ жүргізіп келеміз. Бірік­кен Ұлттар Ұйымының жаңа үйі­­нің тұсаукесері біздің ортақ ын­ты­мағымыздың тарихына алтын әріптермен жазылатынына сенімдімін» деп атап өтті.

Аталған ұйымның еліміздегі өкілдігі жаңа ғимаратқа биылғы жылдың соңына дейін көшеді деп жоспарланған.

Арман ОКТЯБРЬ,

«Егемен Қазақстан»