Аймақтар • 31 Қазан, 2018

«Әлемнің жарығын сыйладың сен маған...»

220 реткөрсетілді

Қазақстанның халық жазушысы, Мемлекеттік сыйлықтың лауреаты Ғафу Қайырбековтің 90 жылдығына арналған салтанатты кеш осындай тақырыппен Ғ.Мүсірепов атындағы балалар мен жасөспірімдер театрында табысты өтті. 

Жиынды ашқан Жазушылар одағы басқармасының төраға­сы Ұ.Есдәулетов Ғафаңа қатыс­ты өнегелі естеліктердің басын қайырды. Ақселеулі далада шал­қалап жатқан Ғафаң: «Ақселеу! Бидайға орын бермеші!» деп жалбарыныпты. Тыңның ойранын ескерткені ғой...

Ақын Е.Раушановтың баян­дамасы мазмұнымен ерек­ше­ленді. Ғ.Мүсірепов өмір­ден өткенде Ғафаң: «Қазақ әде­биетінің бір дәуірі аяқталды, ойсырады», депті. Осы тақы­леттес ауыр ойлары Қайыр­бековпен қоштасқанда Мыр­залиев, Мырзалиевті ақырғы сапарға шығарып салғанда Т.Молдағалиев қайталаған екен. Неткен аянышты әрі қастерлі үндестіктер еді...

Ақын Р.Ниязбеков: «Ғафаң жеңілгендерді жақтайтын, ретсіз жеңгендерді даттайтын», деп әділеттілігін өркештендірді. Сондай-ақ «Ұстағанда хрустальды, жағдайым дұрысталды», секілді әзілмен өрілген тапқыр­лығынан біршама шумақ өріп күлкіге бөктірді.

Мемлекеттік сыйлықтың лау­реаты, сәулетші Ә.Тәтіғұлов Ғафаң­ның адамгершілігіне қатыс­ты сөз өрбітті. Ал академик Сайлау Байзақов өзінің үйлену тойын осыдан 57 жыл бұрын Ғафаң жүргізгенін еске түсірді. Оның інісі, академик Сәбит Қызбелдегі мектеп мұғалімі, бозбала ақын Ғафу­­дың өлең оқып, домбыра­мен ән салғанда бұжырлау бетін маңдайына баса тартқан орамалы жартылай жауып, көлегейлеп тұратынын, мұның өзі көз, тіл тимеудің қамы екенін қызықты етіп баяндады.

Қостанай облыстық мәдениет басқармасының бас­тығы Е.Қалмақов облыс әкімінің құттықтау хатын оқып, ақынның жары Бәдеш пен ұлы Бақытқа сый-сияпат жасады. Ал ақынның туған өлкесінен, Жангелдин аудандық мәслихатының хатшысы С.Нұрғазин екеуіне аудан 90 жылдығының мерекелік төсбелгісін табыс етті.

Ғ.Қайырбековтің құрметіне арналған жыр мүшәйрасының қорытындысын Жазушылар одағы басқарма төрағасының орынбасары Б.Жақып жария етіп, бас жүлдегер Ә.Шегебай мен бірінші орын алған М.Құ­ныпия­қызы өлеңдерін оқыды.

Қостанайлық ақын С.Ос­панов жуырда Татарстанға делегация құрамында барғанда қонақтарды Ғафаңның «Ана туралы жыр» әнімен қарсы алға­нын айтқанда, Бәдеш апа бас­­тап, зал қостап осы бір құдіретті әуенді әуелетіп жіберді...

Мерейтойдың керемет кәде-сыйы Ғ.Қайырбековтің прозалық таңдамалы шығармаларының үш томдығының таратылуы еді.

Кешті тапқырлықпен жүргіз­ген, ақын Б.Беделхан: «Бүгін қала­ның барлық кафелері мен мей­рамханаларында баяғыдағы Ғафаң отырғанындай боп, оның құрметіне дастарқан жаюлы тұр», деп астарлы әзіл тастады.

Біз де өз кезегінде: «Ғафаң­ды сағынсаңыздар, осы залда әдейі Астанадан келіп отырған, өзінен екі жас кіші туған қа­рын­­дасы Күләш апайдың құйып қойғандай мына түріне телмірі­ңіз­дерші!» деп ол кісіні орнынан көтердік.

Қайсар ӘЛІМ

АЛМАТЫ

Соңғы жаңалықтар

Ең қысқа әңгіме. Омарбек Нұрдәулет

Ең қысқа әңгіме • Кеше

Күлкі керуені № 6

Руханият • Кеше

Ең қысқа әңгіме. Айбек Ережеп

Ең қысқа әңгіме • Кеше

Ең қысқа әңгіме. Әсел Асқарқызы

Ең қысқа әңгіме • Кеше

Ең қысқа әңгіме. Еділ Анықбай

Ең қысқа әңгіме • Кеше

Ең қысқа әңгіме. Сайлау Төлеу

Ең қысқа әңгіме • Кеше

Ең қысқа әңгіме. Ербол Бораншы

Ең қысқа әңгіме • Кеше

Ең қысқа әңгіме. Нұрлан Қабдай

Ең қысқа әңгіме • Кеше

Дәуір белесінің авторы

Әдебиет • Кеше

Мінез жұмбақтығы

Әдебиет • Кеше

Әуезовтің жалғасы

Әдебиет • Кеше

Ғасыр эпопеясы

Руханият • Кеше

Өрісі кең, өрелі

Руханият • Кеше

Хат қоржын (22.10.2019)

Руханият • Кеше

Ұқсас жаңалықтар