Қазақстан • 05 Қараша, 2018

Жәнібекте жақсы іс көп

279 реткөрсетілді

Батыс Қазақстан облы­сындағы Жәнібек ауданы – облыс орталығы Орал қаласынан шалғай орна­ласқан аудандардың бірі. Еліміздің батыс қақ­пасы саналатын, Ресей Федерациясының Вол­гоград, Саратов облыстарымен шектесетін аудан халқының бірлігі бекем. 

Елбасының сәтті жүзеге асырылып келе жатқан салиқалы саясатының арқасында барша қазақстандықтар, соның ішінде Жәнібек ауданы тұрғындары да болашаққа нық сеніммен қадам басып, келешегіне зор үмітпен қарап келеді. Оған дәлел Президент қабылдаған «Нұрлы жер», «Нұрлы жол» сынды кешенді бағдарламалар мен жыл сайын қазақстандықтарға арнайтын Жолдауындағы нақты тапсырмаларының орындалуы. 

Жол – экономикалық қалыпты дамудың негізгі факторларының бірі екендігі белгілі. Бұл тұр­ғыда, Мемлекет басшысы Н.Ә.Назарбаевтың биыл өңірі­мізге жасаған сапарының бары­сында облыс орталығынан шал­ғай орна­ласқан Бөкей ордасы, Жәнібек аудандарына автомобиль жолын салу бойынша Үкіметке берген тапсырмасын аудан жұртшылығы зор қуанышпен қабыл алды. Дана халқымыздың нақыл сөзі «Жол азабын жүрген білер» демекші, аталмыш жолдың салынуы аудан­ның, қала берді Астанадан шал­ғайда жатқан Батыс Қазақстан облысының тұрмысы мен тыныс-тіршілігінің, туризмінің дамуына зор септігін тигізері хақ. Қазіргі таңда Елбасының бұл тапсырмасын жүйелі түрде іске асыру мақсатындағы жұмыстардың бастау алғандығына куә болып, жақын арада тіршілік көзінің бірі саналатын жол құры­лысы­ның аяқталып, ел игілігіне тапсы­рыла­тындығына аудан хал­қының сенімі мол. 

Мемлекет басшысының биыл 5 қазандағы Қазақстан халқына арнаған «Қазақстандықтардың әл-ауқатының өсуі: табыс пен тұр­мыс сапасын арттыру» ат­ты Жолдауында халық­тың әлеу­меттік жағдайы мен тұрмыс сапасын арттыруды басымдыққа ала отырып, әрбір қазақстандықтың елімізде жүргізіліп жатқан ре­формалардың мәнін және олар­дың Отанымызды өркендету жо­лындағы маңызын жете түсіну қажеттігіне тоқталды. Бұл бастамаларды барша жәнібектіктер де қолдап, қуаттайды.

Сонымен қатар осы Жол­дауда нақтылап атап өткен­дей, ха­лықтың алаңсыз әрі қолайлы жағ­дайда өмір сүріп, жұмыс жасауына жағдай туғызу сынды тапсыр­ма да ауданымызда ретімен іске асырылуда. «Нұрлы жер» кешенді бағ­дар­ламасы аясында өткен жылы 24 отбасына жаңадан салынған тұрғын үй кілті табысталса, биыл 80 отба­сына ар­нал­­ған тұрғын үй құры­лы­сы­ның жұ­мысы аяқталды. Тіпті дүр­кі­реп тұрған кеңестік кезеңде бір жылдың ішінде дәл осындай құрылыс қарқыны болған емес. 

«Өңірлерді дамыту» бағдар­ламасы аясында биыл Ақоба, Талов ауылдарына таза ауыз су тарту жұмысы жүргізіліп, нәтижесінде аудан көлеміндегі барлық округ орталықтарындағы тұрғындар таза ауыз сумен қам­­тылып отыр. Сондай-ақ би­ыл Өнеге, Майтүбек, Жұ­маев елді мекендерін газдандыру жұ­мысы жүзеге асып, ауда­ны­­мыздың бар­­лық елді мекені толықтай кө­гіл­дір отынмен қам­тылмақ. 

Мұндай ілкімді істердің жү­йелі түрде атқарылып, шал­ғай­дағы ауылдар мен елді ме­кен­дерге бар жағдай жасалуы – Елба­сының әрбір елдімекеннің жағ­дайын жақсартуға бағыт­талған әлеуметтік саясатының нәти­жесі деп түсінеміз. 

Биылғы Жолдаудың тағы бір ерекшелігі – педагогтардың мәртебесін арттыру мақсатында арнайы «Педагог мәртебесі туралы» заңды әзірлеуге тапсырма бергені. Бұл құжат саналы тәрбие мен сапалы білімді ұрпақтар бойына сіңдіретін ұстаздар қауы­мына ерекше көңіл бөлудің, дәре­жесін арттырудың, құрмет пен қамқорлықтың кепілі болатын құжат деп есептейміз.

Осы Жолдаудағы ең тө­менгі жалақыны 1,5 есеге кө­бей­ту, 5 жыл ішінде білім, ғы­лым, ден­­саулық сақтау салала­­рына барлық көздерден жұм­салатын қара­жатты ІЖӨ-нің 10%-ға дейін жеткізу, ауыл­дық жерлерде алғашқы ме­дициналық-санитарлық кө­мек­тің қолжетімді болуын қам­тамасыз ету, «Бизнестің жол картасы – 2020» бағдарламасының қолданылу мерзімін 2025 жылға дейін ұзар­ту сынды нақты тапсырмалар ел тұр­ғындарының әл-ауқаты жақ­саруына алып келе­тіндігі сөзсіз. 

Сонымен қатар қазіргі таңда ел экономикасын дамытудағы реформалардың табысты іске асырылуына жастарымыз, жалпы қоғам тұтастай жұмыла отырып, аянбай еңбек етуде. Елбасы үнемі зор сеніммен қарайтын ел жастарының қуанышы – келер жылдың «Жастар жылы» деп жариялануы десек, әрқашан мемлекеттің қолдауын сезінуші жалынды жастарымызға бұл жыл жаңа серпін мен тың жігер сыйлайтын кезең болмақ. 

Егемен елінің ыдырамас ын­тымағы мен туған халқының әлеу­меттік жағдайын, тұрмыс са­пасын арттыруды басты мақсат тұтқан Елбасымыздай тұлғаға Жә­нібек ауданы жұртшылығы аты­нан шынайы алғысымызды біл­діре отырып, әлемнің барынша дамыған 30 елінің қатарына қо­сылу жөніндегі ұлы мұраттарға жету мақсатындағы баға жетпес қа­­­жырлы еңбегіне табыс тілей­міз!

Құрметпен,

Жәнібек ауданының тұрғындары

Батыс Қазақстан облысы

Соңғы жаңалықтар

Ең қысқа әңгіме. Омарбек Нұрдәулет

Ең қысқа әңгіме • Кеше

Күлкі керуені № 6

Руханият • Кеше

Ең қысқа әңгіме. Айбек Ережеп

Ең қысқа әңгіме • Кеше

Ең қысқа әңгіме. Әсел Асқарқызы

Ең қысқа әңгіме • Кеше

Ең қысқа әңгіме. Еділ Анықбай

Ең қысқа әңгіме • Кеше

Ең қысқа әңгіме. Сайлау Төлеу

Ең қысқа әңгіме • Кеше

Ең қысқа әңгіме. Ербол Бораншы

Ең қысқа әңгіме • Кеше

Ең қысқа әңгіме. Нұрлан Қабдай

Ең қысқа әңгіме • Кеше

Дәуір белесінің авторы

Әдебиет • Кеше

Мінез жұмбақтығы

Әдебиет • Кеше

Әуезовтің жалғасы

Әдебиет • Кеше

Ғасыр эпопеясы

Руханият • Кеше

Өрісі кең, өрелі

Руханият • Кеше

Хат қоржын (22.10.2019)

Руханият • Кеше

Ұқсас жаңалықтар