Қазақстан • 12 Қараша, 2018

Өскемен қаласының көшелеріне Әміре Қашаубаев пен Қалихан Ысқақтың аты беріледі

222 реткөрсетілді

Өскемен рухани жаңғыра бастағандай. Бүгін қалалық әкімдікте шаһар көшелерінің атауын өзгерту бойынша өткен қоғамдық тыңдауда облыс орталығындағы 16 көшенің (төртеуіне жаңа атау беру) атауын өзгерту мәселесі қаралды. Ең әуелі атаусыз 4 көшеге атау беру жайы қаралып, ол көшелерге Жақия Шәйжүнісов, Лев Гумилев, Армандастар және Мейірім атаулары ұсынылды.

Содан кейін Октябрь көшесін қоғам қайраткері, алаш ардақтысы Мұхаметжан Тынышпаев, Крупская көшесін өнертанушы Евгений Брусиловский, Революционная көшесін қазақтың классик жазушысы Қалихан Ысқақ, Советская көшелерін Адольф Янушкевич пен Александр Затаевич, Дзержинский көшесін әйгілі әнші Әміре Қашаубаев, Киров көшесін орыс жазушысы Антон Чехов, Орджоникидзе көшесін тәуелсіз Қазақстанның тұңғыш Қорғаныс министрі Сағадат Нұрмағамбетов, Куйбышев көшесін Нарын, Калинин көшесін Шыңғыстау, Головков көшесін Бейбітшілік, І,Айтықов көшесін Асар, Октябрь аралындағы атаусыз саябақты Самал деп атау жөніндегі ұсыныстар талқыға түсті. Қалалық мәслихат депутаттарының басым көпшілігі бұл ұсыныстарға қолдау білдіріп, қолдарын көтерді.

Қалалық мәслихат депутаты, «Нұр Отан» партиясы Өскемен қалалық филиалы төрағасының орынбасары Майра Екібасова жүргізген жиында Әлібек Қаңтарбаев, Түсіпхан Түсіпбеков, Серік Құсанбаев, Борис Щербаков, Гүлбаршын Абылғазина бастаған, Әділ Қаратай, Мұратхан Кенжеханұлы, Есімжан Нақтыбайұлы,  Қызырбек Дүргінбай, Мирас Малғаждаров, Қанат Оралбек қостаған өскемендік зиялы қауым өкілдері, жастар өз пікірлерін айтып, белсенділік танытты. Енді бұл ұсыныстар республикалық ономастикалық комиссияның қарауына жіберіледі.

Азамат ҚАСЫМ,

«Егемен Қазақстан»

Өскемен

Баннер
Соңғы жаңалықтар

Көш басында - Канело

Спорт • 15 Маусым, 2019

Ауылда да субұрқақ бар

Аймақтар • 15 Маусым, 2019

Үздік дәрігерлер баспаналы болады

Аймақтар • 15 Маусым, 2019

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Ұқсас жаңалықтар