Әлем • 05 Желтоқсан, 2018

Өзбекстанның Қазақстандағы жылына арналған мерекелік концерт өтті

115 реткөрсетілді

Өткен аптада Қазақстан Республикасының Тұңғыш Президенті күнін мерекелеуге және Өзбекстанның Қазақстандағы жылына арналған Қазақстан халқы Ассамблеясының «Қазақстанға ыстық ықыласпен!» атты мерекелік концерт өтті.  

Туысқан екі ел арасындағы тамыры терең рухани достықты ту еткен айтулы шараға Қазақ­стан халқы Ассамблеясы Төр­ағасының орынбасары – Хат­шылық меңгерушісі Л.Про­копенко, Парламент Мәжі­лісінің депутаттары, ҚХА мүшелері, мемлекеттік органдар, дипломатиялық корпус, этномәдени бірлестіктердің өкілдері, қоғам және мәдениет қайраткерлері қатысты. 

Мерекелік бағдарламада Түркістан облысы, Сайрам ауданы облыстық өзбек драма театры ұжымы Л.Соловьевтың «Қожанасыр Сайрамда» му­зыкалық комедиясынан үзінді ойнаса, белгілі эстрада әншісі Әлішер Кәрімов бастаған бір топ өнерпаз көрерменді өзбек мәдениетінің қыр-сырымен таныстырып, ән мен биден шашу шашты. 

Өзбекстанның Қазақстан­дағы жылы – бауырлас екі елдің  саяси, экономикалық, мәдени-рухани қарым-қатынасының дамып, нығая түсуіне жа­ңа серпін берген елеулі оқи­ғалардың бірі. Бұл жөнін­де Мем­лекет басшысы Нұрсұлтан Назарбаев: «Өз­бек халқы – біздің жақын көр­шіміз. Ор­талық Азиядағы үлкен мем­ле­кеттердің бірі. Сон­дықтан да Өзбекстанмен бай­ланыс біз үшін қашанда маңызды» деп қос мемлекет арасындағы саяси-эконо­ми­калық һәм рухани достық байланыстың маңыздылығына айрықша тоқталып өткен болатын.

Осыған орай, 2018 жылдың маусым айында Қазақстан халқы Ассамблеясы мен Өзбек­стан Республикасы Минис­трлер Кабинетінің жанындағы Этносаралық қатынастар және шетелдермен достық қарым-қатынас жөніндегі комитеті арасында меморандумға қол қойылып, жарқын істер жү­­зеге асырыла бастады. Өзбек­станның Қазақстандағы жылын абыроймен еңсерген бауырлас ағайын 2019 жылы Қазақстан мәдениетін өз елде­рінде кеңінен насихаттайтын болады.

Назерке ЖҰМАБАЙ, 

«Егемен Қазақстан»

Баннер
Соңғы жаңалықтар

Біз - «BIRGE»!

Сайлау • 24 Мамыр, 2019

Мергендер Мюнхенде жүр

Спорт • 24 Мамыр, 2019

Мас араны омартаға кіргізбейді

Экология • 24 Мамыр, 2019

Ұқсас жаңалықтар