Мамандардың айтуынша, Маңғыстау облысы «7-20-25» бағдарламасын іске асыруда Алматы мен Астана қалаларынан кейінгі үшінші орында. Қазіргі таңда Ақтау қаласы бойынша жаңа шағын аудандардағы 24 жер телімінде салынып жатқан тұрғын үйлердің жартысы «7-20-25» бағдарламасы бойынша берілетін болады. Екінші дәрежелі банктерге 2 млрд. 872 млн. теңгені құрайтын 371 өтінім келіп түскен.
Ақтау қаласында құрылысы аяқталған, бос пәтерлер бар тұрғын-үйлер де жоқ емес. Жыл соңына дейін 33 шағынаудандағы «Аққу-1» тұрғын үйі мен 17 шағын аудандағы «Айрақты-2» тұрғын үй кешені, 16 шағын аудандағы «Лепес», 16 шағын аудандағы «Абырой» тұрғын-үй кешендерінің құрылысы аяқталады деп күтілуде.
Ал, «Нұрлы жер» бағдарламасы бойынша 10 айда 944,960 мың шаршы метр тұрғын-үй кешенінің жоспары іске асырылып, көрсеткіш өткен жылмен салыстырғанда 39% өскен (675,8 мың шаршы метр).
Гүлайым ШЫНТЕМІРҚЫЗЫ,
«Егемен Қазақстан»
Маңғыстау облысы
