Оған аймақ басшысы Құмар Ақсақалов, Ішкі істер министрлігі әкімшілік полиция комитетінің төрағасы, полиция генерал-майоры Игорь Лепеха, криминалдық полиция департаментінің бастығы, полиция генерал-майоры Арманбек Баймурзин, ғылым қайраткерлері Марат Қоғамов, Айдархан Сқақов, облыс құқық қорғау органдарының басшылары мен жұртшылық қатысты.
Отырысты Қ. Ақсақалов кіріспе сөзбен ашып, екі ел полицейлерінің тығыз қарым-қатынасы өз тиімділігін беріп келе жатқанын атап өтті. Қылмысқа қарсы күрес саласында серіктестік қатынастарды нығайтуға қосқан үлесі үшін полиция генерал-майоры Олег Ильиныхқа, Юрий Алтынов пен Леонид Коломиецке құрмет грамоталарын табыс етті.
Солтүстік Қазақстан полиция департаментінің бастығы, полиция генерал-майоры Берік Біләлов атап өткендей өңір аумағында халықаралық іздеуде жүрген 24 қылмыскер ұсталған.
Отырыс барысында 2019 жылға арналған қылмысқа қарсы іс-қимыл, қоғамдық тәртіпті сақтау, азаматтардың қауіпсіздігін қамтамасыз ету бірлескен іс-қимыл жоспары қабылданды. Өзара тәжірибе алмасу бағытында оқыту семинарлары өткізілетін болды.
Іс-шара соңында ҚР ІІМ жанындағы қоғамдық кеңестің төрағасы, белгілі заңгер-ғалым Марат Қоғамов СҚО ПД жанындағы консультативтік-кеңесші органның мүшелеріне Ішкі істер министрлігінің грамоталары мен алғыс хаттарын табыстады.
Өмір ЕСҚАЛИ,
«Егемен Қазақстан»
Солтүстік Қазақстан облысы
