Спортшының қанынан тиым салынған фуросемид препараты халықаралық жарыстардың біріне қатысар алдында тапсырған тестіден табылған. Аталған препарат тікелей допинг болып есептелмесе де, ол денеден ауыр заттарды тездетіп шығару үшін қолданылады. Сондай-ақ ол салмақтың өсуіне ықпал етеді.
Назым Ишанованы спорттан шеттету мерзімі 2 жыл. Жаза мерзімі 2018 жылдың 26-қарашасынан басталып, 2020 жылдың 25-қарашасында аяқталды. Бұл дегеніңіз Ишанова 2020 жылғы Токио Олимпиадасына қатыса алмайды деген сөз.
Айта кетейік, Назым Ишанова 2013 және 2015 жылы жастар арасындағы әлем чемпионатының қола жүлдесін иеленген. Сондай-ақ ел чемпионатында бірнеше рет топ жарған. Былтыр Үндістанда өткен әлем чемпионатында жерлесіміз 57 кило салмақта бақ сынап, 1/16 кезеңде черногориялық боксшыдан жеңіліп қалған болатын.
