Қазақстан • 10 Қаңтар, 2019

Washington Post: Қытай 2000 этникалық қазақты босатты

345 реткөрсетілді

«Washington Post» газеті Қытай үкіметі 2000 этникалық қазаққа Қытай азаматтығынан бас тартып, мемлекеттен көшуге рұқсат бергенін хабарлады.

Сыртқы істер министрлігінің баспасөз қызметі АҚШ газетіне берген жауабында 2000 қазаққа Қытайдан кетуге рұқсат берілгенін растады. Олар Қазақстан азаматтығын алуға өтініш бере алатынын немесе Қазақстанға келісімен тұрақты тұрғын-жай алуға мүмкіндігі бар екенін жеткізген.

«Washington Post» мәліметіне сай, қазақ дипломаттары Шыңжаңдағы отандастарымызды қорғау мақсатында бірқатар жұмыс жүргізген. Газетке жауап жазған Сыртқы істер министрлігінің өкілдері қараша айында 29 азаматымыздың Қытайда қамауға алынғанын, олардың 15-і босатылғанын және елге қайтуға рұқсат алғанын айтқан.

Сонымен қатар басылым жолдасы мен екі баласын екі жыл көрмеген 23 жастағы Гули есімді қандасымыздың былтыр шілдеде Шыңжаңға қайтуға мүмкіндік алғанын жазады.

Гулидің: «Қазақстанға енді бара алмаймын деп уайымдайтынмын. Балаларымды көрмеймін бе деген күдік те болды. Барлық үмітім үзілген-ді» деген сөздерін келтіреді.

Америкалықтармен сұхбатқа келіскен тағы бір қандасымыз – інісінің лагерьден босатылғанын, бірақ Қытайдан кете алмай жүргенін естіген Әбдіғазы Ерғазы «Отбасымды Қазақстанға алып келудің жолын іздеп жүрмін» деген.

Светлана ҒАЛЫМЖАНҚЫЗЫ,

«Егемен Қазақстан»

Соңғы жаңалықтар

Алматыда «Urban Conference» өтіп жатыр

Аймақтар • Бүгін, 15:43

Алтын орданың ақ таңы

Руханият • Бүгін, 15:06

Қобыз бізге қай дәуірден жеткен?

Руханият • Бүгін, 11:09

Алматыда кітап көрмесі ашылды

Руханият • Бүгін, 10:56

Жаңғырған Жамбыл өңірі

Аймақтар • Бүгін, 06:58

Баға QR кодтар арқылы беріледі

Медицина • Бүгін, 06:53

Рухани рәуіштегі тарту

Аймақтар • Бүгін, 06:52

Тұрар тағдырының тағылымы мол

Руханият • Бүгін, 06:32

Орынбор және қазақ зиялылары

Руханият • Бүгін, 06:30

Ел ертеңі – жалынды жастар

Президент • Бүгін, 06:16

Ұқсас жаңалықтар