Сарапшылардың бағалауы бойынша өткен жылдың соңғы тоқсанында ІЖӨ өсімі 0,2%-ды құраған. Жаппай демонстрациялар өнеркәсіптік өндіріс пен қызмет көрсету саласына әсер етті.
Париж мэриясындағы есептеу бойынша желтоқсан айында астаналық қонақ үй секторы 3% - ға қысқарған. Үкіметке қарсы манифестациялардың кері әсерінен туристер Францияға барудан бас тартқан. Air France KLM әуе компаниясы 15 миллион еуро шығынға батқан. Ал көтерме сауданың құлдырауына байланысты сауда орталықтары мен дүкендердің шығыны 2 миллиард еуроға жеткен.
Премьер-министр Эдуар Филипп осы жылы мемлекеттік бюджет тапшылығы ІЖӨ-нің 3,2% - ға жететінін растады. «Сары жилеттілермен» болған жағдайдан соң президент Эммануэль Макрон Давостағы Дүниежүзілік экономикалық форумға сапарын тоқтатуға мәжбүр болды.
